News Tatar news add news

Kazanda karaçay halkın sörgengä cibärüne iskä alu piketında tatar aktivistın politsiyä tuktattı

1943 yılnıñ 2 noyabrendä sörgengä cibärelgän karaçay halkınıñ sörgen könen iskä alu öçen Azatlık tatar yäşläre berlege räise Nail Näbiiulllin Bauman uramında ber keşelek piket uzdırdı.

Näbiullin kulına, “2 noyabr - Karaçay halkın sörgengä cibärü köne! Kardäşlärebez, bu avır könne bez Sezneñ belän!” digän şigar kütärep tordı.

Nail Näbiullin 77 yıl elek kardäş halkıbız karaçaylarnı sörgengä cibärü zur cinayat häm bez monı keşe bularak ta berniçek tä kabul itä almıybız, piketkka karaçaylarga teläktäşle kürsätü öçen çıktım dide Azatlıkka.

“Milätlär cinayatçe bula almıy. Keşelär genä cinayatçe bula alalar. Böten ber millätne cinayatçe itep sörgengä cibärü, ul üze ber cinayat. Bu avır könne min karaçaylarga, Kazanda da sezneñ tugannarıgız tatarlar bar häm bu könne bez dä iskä alabız, kaygıgıznı ciñeläytäbez, dip äytäsem kilä”, dip belderde.

Piketçı fikerençä, mondıy sörgennän kabatlanmavınıñ berdänber yulı - demokratiyä häm federalizm.

“Häm şulay uk ildä Konstitutsiyäneñ, kanunnnarnıñ eşläve dä möhim. Açıklık, süz irege bulırga tiyeş. Demokratik kıymmätlärne saklarga, moña omtılırga tiyeşbez. Deportatsiyäne bez berkayçan da aklarga tiyeş tügel. Mondıy sörgennär başka kabatlanmasın ide”, dip citkerde ul.

Nail Näbiullin piketın tämamlagaç anı ikese räsmi, berse sivil kiyemdäge politsiyä hezmätkärläre tuktattı häm dokumentların tikşergäç tä kitärgä röhsät itmäde.

Üz isem familiyäsen Azatlıkka äytüdän baş tartkan politsiyä hezmätkäre piketta kütärelgän şigargä başta tiyeşle üzäktä ekspertiza yasalaçagın, annan röhsät bulgaç kına kitärgä röhsät itäçäklären äytte.

Nail Näbiullin Azatlıkka bu tuktatunıñ kanunsız buluın, üzen ber säbäpsez tuktatu konstitutsion hokuklarnı bozu bulıp sanala dide.

“Elek yalgız piketlarda mondıy hälneñ ber dä bulganı yuk ide. Politsiyä hezmätkäre minem yanga kilgäç üzen tanıtmadı häm dokumentların kürsätmäde. İsem-familiyäsen äytte, häzer häterlämim. Ul minem piketta kütärgän şigargä ekspertiza yasala dip, minem iregemne çikläde. Konstitutsiyä buyınça minem yalgız piket uzdru hokukım bar. Min politsiyä hezmätkärläreneñ eşçänlegen kanunsız dip sanıym. Prokuraturaga şikayat itäçäkmen. Minem hokuklarım bozıldı dip farazlıym”, dide.

Nail Näbiullin tuktatıp 20 minut kötterelgäç, politsiyä hezmätkäre gafu ütenep anıñ kitüenä röhsät itte.


3 weeks, 2 days ago
16 visists
Source: www.azatliq.org