News Tatar news add news

Omskida politsiyä tatarça söyläşkän öçen avtobusta höcüm itü turında cinayat eşe açmagan

Lyutsiyä Timofeeva süzlärençä, politsiyä millät ara ızgış çıkmasın öçen eşne "yomıp kaldırırga" teli.

Omskida politsiyä marşrutkada tatarça söyläşkän öçen zıyan kürgän hanım şikayate nigezendä eş açmagan.

Lyutsiyä hanım politsiyä eşne millätara ızgış itep tügel, ike şähes arasında kilep çıkkan ızgış itep kürsätäse kilde dide. "Soñgı tapkır politsiyädä bulganda, minnän soradılar, sez annan närsä telisez? Min äyttem: gayıben tanıp, gafu ütenüen telim. Avtousta geroy ide, ä häzer kaçıp yöri. Alar milli soraunı yomıp kaldırmakçı buldı, politsiyä bu ızgış bezneñ üzara doşmanlık arkasında kilep çıkkan dip kaldırası kilde. Bezneñ arada nindi doşmanlık bulsın, bez bit hätta tanış ta tügel. Ä millätara ızgış turında gomumän däşmilär" dide Lyutsiyä hanım.

Lyutsiyä hanım üzenä sukkan irne tanıdım digän ide. Alarnıñ cäyge bakçaları ber cirdä urnaşkan. "Bezdä bakçalar oyışması räise dä tatar, bezneñ monda gomumän halıknıñ küpçelege tatarlar häm kazaqlar. Häm bu keşe alga taba da üzen şulay totuın dävam itäçäk. Häzer ul üzen kaharman itep sizä" dide ul.

Lyutsiyä hanım bütän ber cirgä dä möräcäğat itmäskä bulgan, çönki hälne üzgärtä aluına ışanmıy. "Bu şulay kaldı inde, bez nişli alabız, bez gadi keşelär. Minem bütän şulay tübänsenep yörisem kilmi" di ul.


3 weeks ago
17 visists
Source: www.azatliq.org