News Tatar news add news

Başkorstanda covid-hospitallärdä 116 student eşli

Meditsina universitetı studentları kızıl zonaga praktikaga cibärügä karşı çıkkannan soñ, Başkortstan citäkçese Radiy Häbirov alarnı ireksezlämäskä kuştı.

Başkortstan hastahanälärendä 1277 ordinator eşli, şulardan 900e Ufada, 380 keşe rayon hastahanälärendä kabul itüdä hezmät kuya dip hisap birde Başkort däülät meditsina universitetı rektorı Valentin Pavlov. Monnan tış, balalar tabibları, dävalauçı tabiblıkka ukuçı studentlar arasınnan da 533 keşe hastahanälärgä cibärelä. Bişençe kurs studentlarınnan 63 keşe farmatsiyädä, 63 student Rosptrebnadzorda eşlärgä, 163 student mäktäplärdäge teş tabibları bülmälärendä eşlärgä cibärelgän.

Düşämbedä Başkortstan citäkçese Radiy Häbirov, vazgıyatne telgä alıp, “kızıl zona”da eşlärgä telämägän studentlarnı mäcbürilämäskä kiräk dide. Häbirov süzlärençä, andıylarnı volonter üzäklärenä cibäräçäklär.


3 weeks, 2 days ago
15 visists
Source: www.azatliq.org