News Tatar news add news

Başkortstanda barlık vuzlar öydän torıp ukuga küçä

Mägarif ministrlıgı beldergänçä, Başkortstan vuzlarında kön sayın 30-50 student häm ukıtuçı avırganı açıklana.

Elekkege kararlar nigezendä studentlar noyabr başında uku yortlarına kilep belem ala başlar dip kötelä ide. Läkin soñgı vakıtlarda studentlar häm ukıtuçılar arasında kön sayın 30-50 avıru açıklana dip belderde Hacin. Ministr süzlärençä, bolar koronavirus belän avıruçılar gına tügel.

Uku nindi formatta oyıştırıluın yugarı uku yortları citäkçelege häl itä dide ul.

Şul uk vakıtta mahsus urta belem birü oyışmalarında avıruçılar sanı küp tügel, şuña kürä bu uku yortlarında distant kertelmi.

Yaña uku yılı başında Başkortstannıñ yugarı uku yortlarında bakalavriat häm magistraturanıñ berençe kurs studentları, ä kölliyätlärdä berençe häm soñgı yılın ukuçılar belem aluın uku binalarında dävam itte. Kalgannar öydän torıp ukuga küçerelgän ide.


4 weeks ago
16 visists
Source: www.azatliq.org