News Tatar news add news

Studentlar barısı da distantsion ukuga küçkän...

Urta mahsus uku yortlarında avıruçılar sanı küp tügel, şuña kürä kölliyät häm tehnikum ukuçıları köndezge bülektä ukunı dävam itä.

Başkortstanda barlık yugarı belem birü yortlarında berençe kurstan başlap kiläse yılda çıgarılış bulaçak kurslarga kadärge studentlar barısı da distantsion ukuga küçte. Älege karar mägarif uçrecdeniyelärendä COVID-19 belän avıruçılar sanı artu säbäple kabul itelgän. Bügen Hökümättäge operativ kiñäşmädä mägarif ministrı Aybulat Hacinşul hakta äytkän. Bu turıda «Başinform» häbär itte.

Aybulat Hacin süzlärençä, kön sayın yugarı uku yortlarında koronavirus yoktırunıñ 30-50 oçragı terkälä. Çıgarılış kurs studentların ukıtu formatı buyınça kararnı uku yortları citäkçelege üze kabul itä.

Urta mahsus uku yortlarında avıruçılar sanı küp tügel, şuña kürä kölliyät häm tehnikum ukuçıları köndezge bülektä ukunı dävam itä.

Bıyılgı yaña uku yılı başlangaç, köndezge bülektä barı tik bakalavriatta ukuçı berençe kurslar häm yugarı uku yortlarınıñ magistrları, şulay uk kölliyätneñ berençe häm çıgarılış kursları ukıdı. Kalgannar distantsion räveştä belem aldı, diyelä bu häbärdä.

Başkortstan Respublikası Mägarif häm fän ministrlıgı mäğlümatları buyınça, bıyıl urta mahsus uku yortlarında 94 meñgä yakın student, yugarı uku yortlarında 98 meñgä yakın student ukıy.

Çıganak: Tatar-inform


4 weeks ago
14 visists
Source: shahrikazan.ru