News Tatar news add news

Ärdogan: “İslam doşmanlıgı belän köräş alıp barılırga tieş” / Ärdoğan: “İslam doşmanlığı belän köräş alıp barılırğa tiyeş”

İlbaşı Räcäp Tayyip Ärdoğan: "Awrupalı möselmannar sistemalı räweştä diskriminatsiyälänä, xoquqları häm irekläre qullarınnan alına”, - dip äytte

Ärdoğan 1995nçe yılnıñ 1nçe noyabr’ könne Bosniya-Hersegovinada suğışnı häm genotsidnı betergän Deyton tınıçlıq kileşüe söyläşüläreneñ başlanuınıñ 25 yıllığı mönäsäbäte belän Srebrenitsanı iskä alu üzäge häm “Sycamore” waqıfı tarafınnan İlbaşı idaräseneñ elemtä räislegeneñ yärdäme belän oyıştırılğan

"Genotsid: Srebrenitsadan alınğan sabaqlar"

isemle Liderlar (sanlı) sammitına video yullama cibärde.

Srebrenitsada Awrupanıñ üzägendä yäşängän genotsidnıñ keşelek tarixına qara tap bulıp yazıluına basım yasawçı Ärdoğan: "Aradan uzğan çirek ğasırğa qaramastan räximsez räweştä üterelgän 8 meñ 372 bosniyalı qardäşebezneñ qayğısı yörägebezne yandırırğa däwam itä. Bu uñaydan tağın ber tapqır ğaziz şähitlärebezne Allahnıñ yarlıqawı belän iskä alabız, genotsid qorbannarınıñ qayğılı ğailäläreneñ häm Bosniya xalqınıñ qayğısın urtaqlaşam”, - dip äytte.

Keşe xoquqları häm demokratiya mäs’äläsendä dönyağa däres birüçe illärneñ bügen İslam doşmanlığın häm ksenofobiyanı äydäp baruın belderüçe Ärdoğan: "Rasaçı terrorçılıq şaqtıy Könbatış ilendä waba (çuma) kebek tarala, qayçağında däwlät başlığı däräcäsendä yaqlaw kürä”, - dip äytte.

(Awrupada) möselmannarnıñ ğibadätxanälärenä, eş urınnarına, mäçetlärgä häm ictimaği oyışmalarınıñ binalarına höcümnärneñ xätär däräcägä citüen xäterlätüçe İlbaşı Ärdoğan: " Awrupalı möselmannar sistemalı räweştä diskriminatsiyälänä, xoquqları häm irekläre qullarınnan alına. Keşelekneñ kiläçägenä, törle inanularnıñ häm mädäniyätlärneñ bergä yäşäw kul’turasına yanawçı şuşı yalğış barışqa inde “tuqta” dip äytelüe kiräk. Xolokost fäläqatennän soñ (1941 natsist Germaniyada yähüdlärneñ genotsidqa duçar buluınnnan soñ) niçek antisemitizm belän köräş alıp barılğan bulsa, bügenge köndä dä İslam doşmanlığı belän şuşındıy uq räweştä köräş alıp barılırğa tiyeş”, - dip basım yasadı.


3 weeks, 2 days ago
15 visists
Source: www.trt.net.tr