News Tatar news add news

Törkiyädä vakıtta koronavirustan 11 Rossiyä keşese ülgän

Törkiyädä bulgan vakıtta koronavirus yogışına testnıñ uñay näticä kürsätkän turistlar sanı 326 keşe bulgan.

Bıyılgı kurort sezonında Törkiyädä koronavirus yoktırgan 11 rossiyäle ülgän. Bu hakta TASS Änkaradagı RF väkillegeneñ matbugat attaşesına sıltama belän häbär itä.

«Häzerge vakıtta Törkiyädä koronavirus arkasında 11 rossiyäle ülgän», - dip kiterä agentlık Rossiyä diplomatı süzlären.

«İnterfaks» mäğlümatı nigezendä, Rossiyäneñ Änkaradagı ilçese Aleksey Yırhov häbär itkänçä, «bıyılnıñ 30 oktyabrenä bulgan mäğlümatlarga karaganda, häl şundıy: Törkiyädä bulgan vakıtta koronavirus yogışına testnıñ uñay näticä kürsätkän turistlar sanı 326 keşe buldı. Häzerge vakıtta hastahanälärdä 31 keşe bar, 87 keşe yal itü urını buyınça izolitsiyälängän», - dide ilçe.

Atna azagında Sälamätlek saklau ministrlıgı başlıgı Fährettin Kodci Törkiyädä COVID-19 pandemiyäse ikençe pikka citkänlegen, şuşı vakıt eçendä 375 meñnän artık keşe çir yoktırganlıgın, 10 252 keşe ülgänlegen äytte.

Çıganak: Tatar-inform


4 weeks ago
16 visists
Source: shahrikazan.ru