News Tatar news add news

Ülüçelär sanı 26 buldı

İzmirdäge cirteträwdä yaralanuçı sanı 885kä citte

İzmirneñ Seferihisar ilçäse sulıqlarında kiçä barlıqqa kilgän 6,6 ball zurlığındağı cirteträwdä ğomere özelüçelär sanı 26ğa, yaralanuçı sanı 885kä citte.

Afät häm ğadättän tış xällär räislege kiçä Törkiyä waqıtı belän 14 sägät’ 51 minutta Ägäy diñgezendä, İzmirneñ Seferihisar ilçäseneñ 17 çaqrım su kiñlegendä 6,6 ball zurlığında zilziläneñ küzätelüen açıqladı.

Cirteträwneñ 16,54 çaqrım tiränlektä barlıqqa kilüe bilgelände.

Zilzilädän soñ şähärdä şaqtıy bina zıyan kürde.

Töbäktä xäräbälär astında qaluçılarnıñ qotqarıluı öçen eşçänleklär däwam itä.

Törkiyäneñ sälamätlek saqlaw ministrı Faxrettin Koca İzrmirdäge cirteträw belän bäyle açıqlawında: “26 keşeneñ ğomere özelde, 25e reanimatsiyada, 381e däwalana. Tağın 4 operatsiya uñışlı näticälände,” – dip belderde.

504 keşeneñ xastaxanädän çığuın äytkän ministr tübändägeçä däwam itte: “Aşığıç yärdäm kürsätü törkemnäre, Milli medikal’ qotqaru törkemnäre, aşığıç yärdäm maşinaları häm xastaxanälärebez belän İzmirda wazıyfa başqarabız.”

Ezläw häm qotqaru eşçänlekläre alıp barılğan 17 binanıñ 9ında eşçänleklär tämam, qalğan 8 binada däwam itä.


3 weeks, 2 days ago
19 visists
Source: www.trt.net.tr