News Tatar news add news

Pnevmoniyädän dävalangan tagın ber halık artistı vafat

Artist hastahanädä pnevmoniyädän dävalangan

Ufada Başkortstannıñ halık artistı, «Bayık» teleproyıktnıñ cyuri räise Ratmir Bädretdinov 88 yaşendä vafat bulgan. Artistnıñ hezmättäşläre süzlärençä, ul hastahanädä pnevmoniyädän dävalangan. Bu turıda «Başinform» häbär itä.

Ratmir Bädretdinov 1931 yılnıñ 15 noyabrendä BASSRnıñ Mäçetle rayonında tugan. Tanılgan mädäniyät eşleklese, halıknıñ bi̇yü traditsiyälären saklauçı, başkort horeografiyä bi̇yüen sähnägä kuyuçı artistlarnıñ berse.

Ul hezmät eşçänlegen Başkort däülät halık bi̇yü ansamble solistı bularak başlagan. 1973 yılda Ratmir Bädretdinov ansambl direktorı vazifasına bilgelänä. 1980 yıldan Ufa däülät sänğat institutı rektorı urınbasarı, 1986-2001 yıllarda Mäcit Gafuri isemendäge Başkort akademiyä drama teatrınıñ direktor urınbasarı häm baş administratorı bulıp eşli.

Ratmir Bädretdinov Fäyzi Gaskärov isemendäge ansambl direktorı vazifasında eşlägändä üzen kollektivnı berläşterä belä torgan oyıştıruçı itep kürsätä. Anıñ citäkçelegendä ansambl gastrollärgä yöri, Frantsiyä, Germaniyä, İspaniyä häm başka illärdä çıgış yasıy.

BST telekanalında populyar «Bayık» respublika telekonkursında Ratmir Bädretdinov 13 yıl dävamında cyuri räise buldı, katnaşuçılarga tögäl bäyä häm yahşı kiñäşlär birde, diyelä bu häbärdä.

Çıganak: Tatar-inform


3 weeks, 4 days ago
16 visists
Source: shahrikazan.ru