News Tatar news add news

Noyabr nindi bulaçak?

Rossiyä territoriyäseneñ küpçelek öleşendä noyabr ayı cılı bulır dip kötelä. Gidrometeoüzäk farazında şul hakta häbär itelä.

Sinoptiklar mäğlümatı buyınça, Rossiyäneñ Yıvropa öleşendä aylık urtaça temperatura urtaça küpellık kürsätkeçlärdän ber-ike graduska yugarırak bulaçak, ul Komi, Yakutiyä respublikaları, Yamal-Nenets avtonomiyäle okrugı häm Krasnoyarsk krayınıñ tönyagında ayıruça yugarı bulır dip kötelä. Kalmıkiyä Respublikası, Ästerhan ölkäse, Krasnodar krayı häm Tönyak Kavkaz federal okrugında isä normaga yakın bulaçak.

«Ural federal okrugı, Taymır, Yakutiyä, Baykal aryagı ölkäsen, Amur, Magadan ölkäläre, Habarovsk krayı häm Çukotka avtonomiyäle okrugında aylık temperatura urtaça küpellık kürsätkeçlärdän ber-ike graduska yugarı, kalgan territoriyädä normaga yakın bulır dip kötelä», — di sinoptiklar.

Rossiyä territoriyäseneñ küpçelek öleşendä aylık yavım-töşem küläme — urtaça küpellık däräcägä yakın, ä Saratov häm Orenburg ölkäläre, Könyak federal okrugı häm Stavropol krayında isä normadan tübän bulaçak, diyelä häbärdä.

Seberneñ könyak-könbatışında, Taymır, İrkutsk ölkäse, Buryatiyä, Baykal aryagı ölkäse häm Habarovsk krayınıñ tönyagında, Kamçatka krayınıñ könyagında ul urtaça küpellık däräcädän yugarı bulır dip kötelä.

Çıganak: "Tatar-inform"


3 weeks, 5 days ago
14 visists
Source: shahrikazan.ru