News Tatar news add news

Zavod eşçese alyuminiy törgäge astında kalıp ülgän

Tatarstanda zavod eşçese 600 kilogrammlı alyuminiy törgäge astında kalıp hälak bulgan.

Bu hakta «Tatar-inform» agentlıgına Rossiyä Tikşerü komitetınıñ TR buyınça idaräse citäkçeseneñ ölkän yardämçese Andrey Şeptitskiy häbär itte.

Faciga sişmbe könne, 27 oktyabrdä, «Kukmara metall savıt-saba zavodı» AC territoriyäsendä bulgan. Tikşerüçelär farazlavınça, 44 yäşlek ir-at 600 kilogrammlı alyuminiy törgäklären buşatu belän şögıllängän. Kaysıdır mizgeldä alarnıñ berse ir-at östenä kilep töşkän. Algan cärähätlärdän ul şunda uk ülgän.

Älege uñaydan «Hezmätne saklau taläplären bozu» maddäse buyınça cinayat eşe kuzgatılgan. Tikşerüçelär faciganeñ barlık neçkäleklären açıklıy.

Çıganak: "Tatar-inform"


3 weeks, 6 days ago
16 visists
Source: shahrikazan.ru