News Tatar news add news

"Tatneft"neñ neft çıgaruı 13 protsentka kimegän

Tatarstan byudcetına neft himiyä tarmagınnan küçüçe tüläülär 39 protsentka kimegän.

Soñgı 9 ayda Tatarstannıñ neft gaz himiyä tarmagında citeşterü altı protsentka töşkän. İñ küp yugaltular “Tatneft” şirkätenä turı kilä. Bu hakta bügen “Tatneftehiminvest-holding” mödirlär şurası utırışında oyışmanıñ general mödire Rafinat Yarullin belderde.

“2020 yılnıñ gıynvar-sentyabr ayı aralıgında Tatarstannıñ neft häm gaz himiyäse tarmagında citeşterü altı protsentka kimede. Neft tabu, kauçuk häm polietilen citeşterü azaydı. OPEK+ kileşüe nigezendä kertelgän çikläülärneñ töp öleşe “Tatneft”kä turı kilde. Şirkät 19,307 mln tonna neft tapkan. Bu uzgan yılnıñ şuşı çorı belän çagıştırganda, 13 protsentka azrak”, dide Rafinat Yarullin.

Neft himiyäse tarmagında citeşterüneñ kimüe näticäsendä Tatarstan byudcetına küçüçe tüläülär 39 protsentka azaygan.

“Neft-gaz himiyäse kompleksı 879 mlrd sumga tauar sattı. Bu uzgan yıl belän çagıştırganda 17 protsentka kimräk. Tatarstannıñ berläşterelgän byudcetına küçerelgän tüläülär 39 protsentka kimegän”, dide Yarullin.

Uñay kürsätkeçlär barı neft produktları, aşlamalar, yuu çaraları häm plastmass eşlänmäläre citeşterüdä genä küzätelgän. Yılnıñ öçençe çiregendä neftkä bäyälär artu häm rublneñ dollarga karata töşüe oyışmalarga keremne arttırırga yardäm itkän. Läkin uzgan yılgı kürsätkeçlärgä barıber ireşä almagannar.

Röstäm Miñnehanov neft himiyäse tarmagına analiz yasarga kuştı häm çimalnı eşkärtergä kuştı. İnvestitsion proyıktlar buyınça federal üzäktän yardäm sorarga kiräklegen äytte.


1 month ago
14 visists
Source: www.azatliq.org