News Tatar news add news

"Avırunı dävalauga karaganda, kisätüe ciñelräk"

TR buyınça Rospotrebnadzor idaräse başlıgı Patyäşina süzlärençä, vedomstvo respublikada sanitar-epidemiologik väzgıyatne totrıklı dip bäyäli. COVID-19ka şikle häm alar belän elemtädä bulgan 658 keşe meditsina küzätüe astında kala. Respublikada koronavirusı açıklau maksatında 720 309 tikşerü uzdırdırılgan.

"Bezdä kisken respirator viruslı infektsiyälär belän çirläüneñ sezonlı kütäreleşe başlandı, ul gadättägeçä sentyabrdä başlana, häm bez aña aldan uk äzerlänäbez. Häm bügen bez ORVİ belän avıruçılar sanı artuın küräbez, bu bernindi gayre tabigıy vakıyga tügel, bu gadäti, sezonlı avıru kütäreleşe. Bez hastalar arasında gripp etiologiyäse bulmagan berdänber viruslarnı açıklıybız. Avıruçılar arasında gripp virusın bez äle açıklamadık", - dip häbär itte TR buyınça Rospotrebnadzor idaräse başlıgı.

Ul soñgı atnada rinovirusnıñ 7 oçragı açıklanuın bilgeläp ütte - ul köçle tomau belän harakterlana. Grippka karşı 635 374 keşe, yağni Tatarstan halkınıñ 16% ı privivka yasatkan. Şul uk vakıtta oktyabr ahırına kadär respublika halkınıñ 60protsentına privivka yasarga planlaştırıla.

- Min respublika prezidentı Röstäm Miñnehanovnıñ süzlären cöpläp kuyasım kilä: "Avırunı dävalauga karaganda, kisätüe ciñelräk". Şuña kürä çirlärne kisätüneñ iñ alımlı ısulı - privivka yasatu, - dide sanitar tabib.


1 month ago
19 visists
Source: shahrikazan.ru