News Tatar news add news

Awırğan kileş öyeñnän çıqsañ - ştraf

Könbatışta koronavirus belän bäyle soñğı wäzğıyät'

Dön’yada koronavirus arqasında ğomere özelüçelär sanı 961 meñ 461 buldı. Yoqtıru oçraqları 31 millionğa yaqınlaşa. Sawığuçılar 22 million 587 meñnän arttı.

Braziliyädä soñğı 24 säğat’tä tağın 739 keşeneñ ğomere özelgännän soñ ildä koronavirustan ülüçelär sanı 136 meñ 532gä citte. Yoqtıru oçraqları isä 33 meñ 57gä artıp 4 million 528 meñ 240 buldı.

Meksikada soñğı köndä Kovid-19 arqasında yuğaltular 455 keşe ide. İldä kizü başınnan birle koronavirus belän bäyle 73 meñ 258 ülem terkälde. Viruslılar sanı 694 meñnän kübräk.

Kizüneñ Awrupadağı üzäge Angliyädä koronavirus arqasında ğomere özelüçelär sanı soñğı 24 säğat’tä 27gä arttı häm 41 meñ 759ğa citte. Yoqtıruçılar isä 4 meñ 422gä kübäyde häm 390 meñ 358 buldı. Xökümät räise Boris Djonson ildä Kovid-19 testı pozitiv çığuçılarnıñ 28nçe sentyabr’dän başlap üzlären öylärendä izolyatsiyäläwneñ qanun yärdämnedä mäcbüri xälgä kitereläçägen belderde. Qağıydäne bozuçılarğa 1 meñ sterling ştraf salınaçaq. Ägär tağın ber qat şunı uq eşläsälär, cäza küläme 10 meñ sterlingqa citä.

Kanadada soñğı atnada Kovid-19 yoqtırğan tağın 35 keşeneñ ğomere özelde. Şulay itep, yuğaltular 9 meñ 248gä citte. Awıru oçraqları isä ber atnada 5 meñ 203kä arttı häm 142 meñ 866 keşe täşkil itte.


1 month ago
20 visists
Source: www.trt.net.tr