News Tatar news add news

Abbas AQŞ belän söyläşergä telämi

Fälästin däwläte başlığına ğaräp illärennän bik qatı basım yasaluın belderälär

Fälästin däwläte başlığı Mäxmüt Abbas AQŞ idaräse belän söyläşügä etärü öçen ğaräp illäre häm xalıqara cämäğat’çelektän kilgän basımnarğa buysınmıy. Bu xaqta Fätix xäräkäte citäkçese urınbasarı Mäxmüt äl-Alul belderde. Ul Fälästin räsmi televideniyesenä interv’yu birde. Anda Alul bolay dip söyläde.

“Däwlät başlığı Abbas AQŞ idaräse belän söyläşü häm İzrail kiskän tamğaxanä salımnarın alu öçen ğaräp qardäşlärdän häm xalıqara cämäğat’çelektän moña qadär kürelmägän basımğa duçar buldı. Ämma ul monı qabul itmi. Bu etapta Fälästin qıyınlıqlarğa qarşı torunı saylıy. Alarnıñ Fälästin däğ’wasın yuqqa çığarırğa teläwen härkem yaxşı belä. Fälästin idaräse İzrail belän koordinatsiyäne tuqtatudan aldağı xälgä berwaqıtta da kire qaytmayaçaq”.

Mäxmüt Abbas Könbatış Yordan üzänlege cirlärendäge qayber töbäklärne annektsiyäläw qararınnan soñ, 19nçı mayda İzrail häm AQŞ belän imzalanğan barlıq kileşü häm protokollardan çığuın iğ’lan itte.


1 month ago
23 visists
Source: www.trt.net.tr