News Tatar news add news

Vil Mirzayanov Navalnıydan gafu ütende

AKŞta yaşäüçe elekke sovet himigı Aleksey Navalnıyga ternäklänü öçen ber yılga yakın vakıt kiräk di.

"Noviçok" aguın yasauda katnaşkan galim himik Vil Mirzayanov oppozitsiyä säyäsmäne Aleksey Navalnıydan gafu ütende. Bu hakta ul "Docd" telekanalı efirında äytkän.

"Älege cinayatçel biznesta - älege matdäne yasauda katnaşuım öçen Navalnıydan gafu ütenäm", dide himik häm böten gomeremne sugış öçen kullanıluçı agularga karşı köräştem dip söyläde.

Mirzayanov 1993 yılda "Noviçok" belän agulangan keşe belän oçraşuı turında äytte. Anıñ da simptomnarı Navalnıy moña kadär sotsial çeltärlärdäge postında atagan bilgelärgä ohşagan dide.

"Böten simptomnarı da ohşagan. Ul ciñde, isän kaldı. Navalnıyga tüzärgä kiräk. Läkin ahır çiktä ul sälamät bulırga tiyeş", dide Vil Mirzayanov. Galim säyäsmän terelüe öçen ber yıllap vakıt kitärgä mömkin dip farazlıy.

Anıñ fikerençä, Navalnıy berençe vakıtta taktada süzlär yaza almagan, çönki baş miyennän funktsional äğzalarga signallar barıp citüdä problemnar bulgan - "Noviçok" molekulaları mondıy signallar öçen cavaplı aksım bülenüen totkarlıy.

19 sentyabrdä Navalnıy Instagram-da Germaniyäneñ "Şarite" klinikasında niçek ternäklänep kilüe turında post çıgardı. Başta ul keşelärne tanımagan, söyläşä almagan, taktaga iñ gadi süzlärne dä yaza almagan.


1 month ago
20 visists
Source: www.azatliq.org