News Tatar news add news

Tatar tele ukıtuçıları bäygesendä Sverdlau ölkäse häm Kazan mögallimnäre ciñde

19 sentyabrdä Kazanda uzgan "İñ yahşı tatar tele häm ädäbiyätı ukıtuçısı" Bötenrusiyä bäygeseneñ ciñüçeläre iğlan itelde.

İkençe urınnı Başkortstannıñ İleş rayonı Bazıtamak mäktäbe ukıtuçısı İlmira Ahunova häm Tatarstan Sälätle balalar öçen humanitar gimnaziyä-internat ukıtuçısı Landış Ähletdinova algan.

Öçençe urın Çuvaşiyäneñ Batır rayonı 1nçe Şıgırdan urta mäktäbe ukıtuçısı Roza Ayzatullova häm Arça rayonı Yaña Kenär urta mäktäbe ukıtuçısı Läysän Niğmätullinaga birelgän.

Älege bäygedä Tatarstannıñ 45 munitsipal berämlegennän 237 tatar tele häm ädäbiyätı ukıtuçısı häm Rusiyäneñ 12 töbägennän 23 tatar tele häm ädäbiyätı ukıtuçısı katnaşkan. Bäygeneñ finalı Kazan şähäreneñ 175nçe häm 180nçe gimnaziyälärendä uzgan.

Şimbä şulay uk "Rusiyäneñ yıl ukıtuçısı" bäygeseneñ töbäk etabına näticä yasaldı. Bötenrusiyä bäygäsenä Tatarstannan urıs tele ukıtuçısı Svetlana Baykiyeva baraçaak. Ul Mamadış şähäreneñ 1nçe mäktäbe ukıtuçısı.


1 month ago
20 visists
Source: www.azatliq.org