News Tatar news add news

Basseynda hlor parlarınnan 8 bala agulangan. 2se reanimatsiyädä

Peterburgta basseynda su koyıngannan soñ sigez balanıñ häle naçarlana. TASS mäğlümatları buyınça, alarnıñ bişesenä meditsina yardäme kiräk bulgan.

Bilgele bulgança, ike bala reanimatsiyädä, alarnıñ häle urtaça däräcädä avırlıkta, öçesendä - ciñelçä ingalyatsion agulanu raslangan. Tabiblar häbär itkänçä, alarnıñ häle kanäğatlänerlek.

Sankt-Peterburgnıñ Tikşerü komitetı "Kurkınıçsızlık taläplärenä cavap birmägän hezmät kürsätü" maddäse buyınça cinayat eşe kuzgatkan.

Şunısın da östäp kitik: hlor belän agulanunıñ berençe bilgese - borın töbendä bik katı yandıru toyu, tuktausız küz yäşläre agu häm yötkerü. Ägär hlor aşkaynatu sistemasına eläksä, küñel bolganu yaki kosu başlanırga mömkin, tire nık kızara, dermatit barlıkka kilergä mömkin. Agulanunıñ urtaça däräcäse yutäl häm baş avırtuı belän bara, köçle agulangan oçrakta sulış tuktaudan añnı yugaltırga mömkin. Bu oçrakta ülemgä kiterergä mömkin bulgan üpkälär şeşü kurkınıçı bar.

Foto: https://pixabay.com/ru/


1 month ago
25 visists
Source: shahrikazan.ru