News Kyrgyz news add news

Ene menen baldardı biriktirgen tigüü maşinası. Ayzatka tiygen ak jarık

Kiçinekey tigüü maşinası kança adamdı baktıluu kıldı. Bir ele buyum. Balkim al başkalarga ançalık maanilüü emestir. Birok al Ayzat ejenin tagdırın özgörttü.

Adamdın köñülü — gül. Jılt etken jarık, jakşı köz karaş, jagımduu söz maanay kötörüp, al turgay bir neçe kün jüröktü jıluuluk aralap jüröt.

Sputnik agenttigi okurmandarga jıluuluk çaçkan, jakşılık kıluuga çakırgan makalalardı jarıyalap kelet. Bul jolu kiçinekey tigüü maşinası bir bülönün jaşoosun kantip özgörtkönü tuuraluu aytıp berebiz.

Ayzat Mambetalievanın başına bir kezde karan kün tüşüp, emne kılar aylasın tappay kalgan. Tört jıl murda alardın bülösü beykapar ele jaşap jatkan. Batirde tursa da joldoşu janında, baldarı kaşında, sanaası tınç ele. Üy-bülö GES-2 rayonunda jaygaşkan Kırgızstan jañı konuşunda turçu. Al konuş Çoñ Çüy kanalının jeeginde.

Jaydın saratanında Ayzat ejenin joldoşu suuga tüşüp ketken alakanday bolgon küçüktü kutkaram dep suudan çıkpay kalgan. Özü ölüp, küçük aman kalgan...

material dayardagan. Arabızda ak jürök, booruker adamdar köp emespi, kolunan kelgen kömögün körsötköndör bolgon.

Birok jalgızdık degen jalgızdık. Baldarın jalgız bagıp, baarına jetişüü oñoy bolgon emes. İştep, tıyın-tıpır çogultup alayın dep aylasızdan kiçinekeyin toroltup koyup, baldarın kayın jurtuna, Talaska jiberet. Akırkı jolu Ayzat eje menen eki jıl murda maek kurganbız. Oşondo baldarın sagınıp jatkanın, bir az iştegenden kiyin janına aların aytkan ele...

Anda-sanda eje menen baylanışıp turçubuz. Jakında ele Ayzat eje WhatsApp tirkemesine jazıp kaldı.

"Kandaysıñar? Bizde baarı jakşı. Kızdarımdı janıma alıp kelgem. Azır baarıbız çoguubuz. Birok bir masele bar ele. Kızdarım janımda bolgondo maga üydö oturup iştöö ıñgayluu bolup jatat. Kaysı bir kayrımduuluk fond maga okşogon balaluu, jalgız boy ayaldarga tigüü maşinasın berip jatıptır. Eptep özümö bir maşina alıp alsam jakşı bolot ele. Üydö iştebesem kızdarımdı kayra jiberüügö tuura kelet", — deptir.

Kim ele jakşılıktın, jakşı iştin sebepçisi bolgusu kelbesin. Daroo eje aytkan kayrımduuluk fonddun baylanış nomerlerin taap süylöştük. Ayzat ejenin telefon nomerlerin alıp kalışkan. Bir ay ötüp kalgandan kiyin Ayzat eje çaldı. Maanayı jakşı, kubangan.

"Taalaygül, maga tigüü maşinasın alıp berişti. Al gana emes, kızdarıma kiyim, üygö azık-tülüktön beri jetkirip berişti", — dep kızdarının, tigüü maşinasının sürötün telefondon jönötüp jiberiptir. Kayrımduuluk fonddun öküldörü jesir ayalga kömürünön beri tüşürüp bergen eken.

©

Foto / Ayzat MamatalievaBir bülönü bakıtka bölögön tigüü maşinası

Düynöm tügöl bolo tüştü. Kaarmanıbızdın kubanganın ugup men da süyündüm. Başkısı — Ayzat ejenin baldarı emi janında, kaşında, mañdayında. Kiçinekey tigüü maşinası kança adamdı baktıluu kıldı. Bir ele buyum. Balkim al başkalarga ançalık maanilüü emestir. Birok al Ayzat ejenin tagdırın özgörttü.

©

Foto / Ayzat MamatalievaKızdarı da jañı kiyim kiyip özünçö baktıluu

Baktıluu boluş üçün adamga çenemsiz baylıktın dele keregi jok dep oylop ketesiñ. Jakşı söz je kiçinekey ele buyum adamdın tagdırın özgörtüp koyuşu mümkün ekenin bile jürölü.

Biri-biribizge jakşılık kıluunu, jakşı söz aytuunu adatka aylantalıçı!

Eger kandaydır bir jürök jılıtkan, jılmayuu tartuulagan, baktıluu kılgan irmemderiñiz bolso, news@sputnik.kg daregi arkıluu biz menen bölüşüp koyuunu unutpañız.


8 months ago
2 visists
Source: sputnik.kg