News Kyrgyz news add news

Süyüübüz köp toskoolduktu jeñdi. İzdeşpey tabışkan Nazbek menen Nurayım

"İzdeşpey tabışkandar" — Sputnik Kırgızstan agenttiginin jañı rubrikası. Anda çıgarmaçıl, el közündögü juptardın süyüü bayanı, üy-bülödögü baaluuluktarı, çıgarmaçılıgı, baldarı tuuraluu söz bolot.

Nurayım Azıkbaeva menen Nazbek Kençinbaev biri-birin toluktap, koldop-koştop turgan jaş jubaylardın biri. Alar skripka menen komuzdu aykalıştırıp, özgöçö nomerleri menen el oozuna alındı. Koş jıldız menen Sputnik Kırgızstan agenttigi baarlaştı.

Jubaylar ötö jönököy, kiçi peyil jana açık-ayrım eken.

— Kırgızdar köbünçö uçuraşkandan kiyin ele "emne jañılık?" dep suraşat emespi. Anın sıñarınday, men da oşol suroodon baştayınçı. Çıgarmaçılıkta, jeke jaşooñordo kanday jañılıktar bar?

Nazbek Kençinbaev: — Nurayka ekööbüz teñ çıgarmaçıl adam bolgonduktan, kontsertterge çıgıp, çet ölkölörgö barıp önörübüzdü tartuulap koyup jüröbüz. Bir tuugan inim ekööbüz "Kenç" degen top tüzgönbüz. Buga çeyin Nurayka ekööbüz duet bolup çıgıp kelsek, emi trio bolduk.

Nurayım Azıkbaeva: — Nazbek aytkanday, jakşı çıgarmalardı jaratuudabız. Mından sırtkarı, baldardın "Seytek" borborunda özümdün mektebimdi açıp jatam. Al jaktan "Azıkbaevdin sisteması" menen sabak ötülöt. Algan bilim, tarbiyamdı baldarga üyrötöyün dep çeçtim. Mektepte skripka, ır-hor, vokal boyunça sabaktar ötülöt.

— Jakşı. Sizderdi çıgarmaçılık ele tabıştırsa kerek. Je başka jaktan taanıştıñar bele?

N.K.: — Bizdi taanıştırıp, tabıştırıp, jakındatkan bul — muzıka. Nurayka men bala kezde ele ataktuu bolçu. Ayıldan televizor köp köröbüz da. Anan efirge skripkasın alıp Nurayka çıgat. Özüm da muzıka, çıgarmaçılıkka jakın bolup, komuz çertkendikten, aga suktana berçümün. Kiyin bul kız menin ömürlük jarım bolot degen nerse oygo da kelgen emes.

Kiyin mektepti bütüp kelip konservatoriyaga tapşırdım. Oşol jaktan til tabışıp, süylöşüp, çoguu işteşip jürüp anan mamilebiz jakındadı okşoyt. Kantip üylönüp kalganıbızdı özübüz da tüşünböy kaldık (külüp).

©

Foto / iz semeynogo arhiva Nazbeka KençinbaevaNurayım Azıkbaeva menen Nazbek Kençinbaev biri-birin toluktap, koldop-koştop turgan jaş jubaylardın biri

— Nurayım, sizdin sezimder Nazbekke kaçan, kantip oygondu ele?

N.A.: — Nazbek Uluttuk konservatoriyaga tapşırıp, okuy baştaganda men turmuşta elem. Boyumda bar bolçu.

Nazbekti okuu jaydın koridorunan köp körçümün. Kurstaştarı menen zalda süylöşüp turup kalar ele. Arıkçıray, tarmal çaçtuu, komuzun kolunan tüşürbögön bala köz aldımda. Kaysı maal bolbosun, salamın üzçü emes, jıluu uçuraşçu.

Aşkanaga tüşüp kalsam dagı "keliñiz, çay içiñiz" dep tamak alıp berip jürdü. Bir iret üygö ketip baratkam, anan koridordo Nazbek dostoru menen turuptur. Özüm ayabay tamaşaköy adammın, bulardın janınan ötüp baratıp betinen karmap "ii uşu saga ele tiyip albay" dep tamaşalap ötüp ketkem. Nazbektin oşondogu köz karaşı azır da esimde. Meni başkaça ele karap kalgan.

Çının aytsam, birinçi joldoşum ekööbüz taptakır okşoşpogon, eki bölök çöyrödön elek. Al asker adamı, men muzıka degende içken aşımdı jerge koyçumun. Anı menen jaşap jürgöndö bir nerse jetpey jatkanday tuyulçu. "Çıgarmaçılıgımdı tüşüngön adamga turmuşka çıksam bolmok" dep öküngön kündör bolgon. Antkeni men törölüp, közümdü açkanda ele uşul çöyrödö elem. Atamdın muzıkalık aspaptarı menen çoñoydum. Çındıgında kıyın boldu, kısıla berçümün. Nazbek menen azır jaşoom taptakır başkaça. Anın janında özümdü kenen sezem. Kanday bolsom özümdü oşondoy alıp jüröm. Nazbek da maga dem-küç berip, koldop, baktımdı tabuuga mümkünçülük berdi. Azır men baktıluumun.

©

Foto / studiya CinemartJubaylar skripka menen komuzdu aykalıştırıp, özgöçö nomerleri menen el oozuna alındı.

— Jaş kurak, ortodogu bala toskoolduk bolgon emes turbaybı?..

N.A.: — Çının aytsak, baarı jañıdan baştalganda ekööbüz baş koşup, birge tütün bulatıp kalabız dep dele oylogon emespiz. Kızım altı aylık boyumda bar kezde ele ajıraşıp ketkem. Nazbek menen mamilebiz jakşı bolup süylöşö baştaganda kızım basıp, ança-mınça süylöp kalgan.

Nazbekti tüşünöm. Men az da bolso turmuştu, jaşoonun öydö-tömönün başıman ötkörüp, ene bolup kalgam. Al emi Nazbek bolso jañıdan tüptölüp, özünçö paydubal tüzüp kele jatkan jigit ele. Anan ele bir balaluu ayaldı jubaylıkka aluu erkek üçün çoñ joopkerçilik da. Birok ekööbüzdün ortobuzdagı sezim eç nerseni közgö ilgen jok, baarın jeñip ketti.

Nazbek ekööbüzdün süyüübüz birinçi Köçmöndör oyununan kiyin, andan soñ Türkmönstanga barıp kelgen sapardan kaytkanda küç aldı. Nazbek jaraşpasa "jaraşpayt", jakpasa "jakkan jok" dep baarın açık, betke aytçu. Türkmönstanga prezidenttin atayın çakıruusu menen kontsert koyup barganda "sen köp nersege tatıktuusuñ, oor basırıktuu oylonosuñ" dep jürögümdü jibitken. Oşol jaktan kelgenden kiyin çıgarmaçılıktan sırtkarı özünçö jolugup, kız-jigit bolup süylöşüp jürüp anan üylöndük.

©

Sputnik / Tabıldı Kadırbekov Nazbek Kençinbaev: Bizdi taanıştırıp, tabıştırıp, jakındatkan bul — muzıka

— Nazbek, ata-eneñiz sizdin çeçimdi kanday kabıl aldı ele?

N.K.: — Nurayka aytıp ketkendey, kütüüsüz nerse boldu. Sezimder jeñip, akırı Nuraykaga üylönmöy boldum. Çoñ atam kırgızdın muzıkalık aspaptarın jasagan belgilüü usta. Mından ulam ata-enem çıgarmaçılıktı jakşı tüşünüşöt. Apam Moskvada işteyt. Men çeçim çıgargan ubakta apam Kırgızstanga kelip kalıptır, açık ele ayttım. Eç kim karşı bolgon jok, batasın berişti.

Sezim küçtüülük kılsa, jaş kurak je dagı başka nerseler toskool bolo albay kalat eken. Nurayka ekööbüz eç kimge köz karandı bolboy öz ookatıbızdı özübüz kılıp, ıntımaktaşıp turmuşta da, çıgarmaçılıkta dagı iygilikke jetip kele jatabız.

— Jubaylar uruşup, taarınışıp turbasa da jaşoo kızık emes deşet. Siler çart-çurt bolup ketseñer kantip jaraşıp, kimiñer birinçi jazılasıñar?

N.K.: — Nurayka ekööbüz jumuş boyunça ele uruşabız. Çart-çurt bolup ketkende kelinçegim bat jazılat. Men bir az kök betireekmin. Nurayka jarkıldap bat ele tartıp ketet. Negizi jañı baş koşkondo bolor-bolbosko taarınışa berçübüz. Azır uruşpaybız.

©

Sputnik / Tabıldı Kadırbekov Nurayım Azıkbaeva: Nazbekti tüşünöm. Bir balaluu ayaldı jubaylıkka aluu erkek üçün çoñ joopkerçilik. Birok ekööbüzdün ortobuzdagı sezim eç nerseni közgö ilgen jok, baarın jeñip ketti

— Ayal kişi üçün üy-bülö menen jumuştu birdey alıp ketüü oñoy emes. Tiriçilik degen nerse köp ayaldı karera bolobu, çıgarmaçılık bolobu, çektep koyöt. Mınday misaldar köp ele. Nurayım, eköönü teñ çoguu alıp ketiş üçün emne kerek, emne maanilüü dep oyloysuz?

N.A.: — Ar bir üy-bülödö kazan-ayak kagışat. Mınday uçur bizdin baştan da ötkön. Kontsert, semka, maek dep jürüp eç nersege jetişpey, oşondon çır çıkkan uçurlar boldu. Birok ubakıt ötköndön kiyin jaşoogo bolgon köz karaş da özgöröt eken. Ubagında üy jıynalbay kalsa kıjalattanıp, jaman bolo berçümün. Mınday uçurda Nazbek "mayda nerse üçün nerv bolboçu, bügün jıynabasañ erteñ jıynalat" dep jönököy karap kaldı.

— Nazbek, sizge Nurayımdın kaysı sapattarı jagat?

— Nurayka ar dayım meni koldop turat. Erkek üçün dele başkı nerse — ayalının tüşünüüsü. Tüşünüünün içinde köp nerse jatat. Jubayım tamaktı türlöp, abdan daamduu jasayt. Ar dayım izdenip ukmuş tamaktar menen menin maanayımdı kötöröt. Bul dagı jakşı sapat dep oyloym. Ar taraptan koldoyt, oy jügürtüüsü, jaşoogo bolgon köz karaşı jagat. Anan ayabay meerimdüü.

©

Foto / iz semeynogo arhiva Nazbeka KençinbaevaNurayım Azıkbaeva: Ayal kişi üçün üydö ookat jasoo bakıt bolup eseptelbeyt dep oyloym. Ayal üçün başkı bakıt — joldoşuñdun saga jasagan mamilesi, ene boluu.

— Silerdin oyuñar boyunça ülgülüü üy-bülö kanday boluşu kerek?

N.K.: — Menin oyumça, biri-birin sıylap, urmattap, tüşünüp, süygön jubaylar ülgülüü üy-bülö.

N.A.: — Biri-birin toluktap turgan jubaylar baktıluu dep oyloym. Eñ başkısı ortodo sezim boluşu kerek. Sezim bolso köp nersege köz jumasıñ, köp nerseni kötörösüñ, köp nerseni unutasıñ, köp nerseni keçiresiñ.

Sezim dagı jön emes, sıy sezim boluşu kerek. Anan ıntımak.

— Nazbek, jubayıñızdı emne dep erkeletesiz?

N.K.: — Nurayım, Nurayka, Nuraykouu deym.

N.A.: — Meni "Ayuu" deyt (katkırdı). Bultuşka, kikboksyör dep da koyöt. Nazbek "sen balban bolsoñ, küçtüü balban ayal bolmoksuñ" dep tamaşalay beret.

— Sizçi, Nurayım?

N.A.: — Men bolso Nazba dep koyöm.


7 months, 3 weeks ago
67 visists
Source: sputnik.kg