News Kyrgyz news add news

Dinçilder da ayaldarının törötün maga tabıştaşat. Akuşer-ginekolog jigittin bayanı

Akuşer-ginekolog Erbol Esenalievdi redaktsiyabızga çakırıp, ıñgaysız suroolordu jaadırdık. Darıger uyalsa dagı baarına açık joop berüügö tırıştı.

Akuşer-ginekolog Erbol Esenaliev törötkanada iştöönün maşakatın aytıp berdi. Oşentse da öz işin süyüp atkararın jaşırgan jok.

— Jigitter ginekologiyaga emnege bararı tuurasındagı azil-tamaşalardı köp uksañız kerek...

— Ayrımdar tamaşalagısı kelet, birok köp uçurda el abdan sıy mamile kılat. Vraç baarı bir vraç emespi.

— Beytaptar sizdi körüp tartınışpaybı?

— Keede jaman oydo boluşat, sebebi arasında dinge tereñ berilgender bar emespi. Köbünese alardı tekşerüü üçün joldoştorunan uruksat aluuga tuura kelet. Köp uçurda tüşünüü menen karaşat. Maga moldolordun jubayları da kayrılıp, köz jarışkan. Biri dagı menin işime toskool bolgon emes.

©

Sputnik / Joomart UraimovErbol Esenaliev: köp uçurda el abdan sıy mamile kılat. Vraç baarı bir vraç emespi.

— İşte baarın körüp alıp, kiyin jeke jaşooñuzda köygöylör jaralat dep çoçulagan emes beleñiz?

— Menimçe, jetile elek adamdar je öz kesibinin oluttuulugun toluk añday albagan studentter korkuşsa kerek. Ayımdar maga alarga karap koyuu üçün emes, jardam surap kayrılışat. Alar — men üçün ayal emes, birinçi kezekte beytaptar. İş degen iş, jeke jaşoonun buga emne baylanışı bar?

— Jiyirkençeekmin dey alasızbı özüñüzdü?

— Murda oşondoy bolçumun, iş meni özgörttü. Ooba, jıttı jakşı sezem, birok beytaptardan eç kaçan jiyirkengen emesmin. Töröt maalında emne bolso da ımırkaydın bul jarıkka taptaza şartta kelişin kamsızdoo üçün boluşunça araket kılabız.

Kırgızstandık kız-kelinderdin köbü jeke tazalıgına köñül bölbögönü özünçö kep. Ayrımdar özün taza alıp jürüünü da bilişpeyt eken. Mından ulam sezgenip, koş boyluuluk jana töröt kıyındayt.

©

Sputnik / Joomart UraimovErbol Esenaliev: Töröt maalında emne bolso da ımırkaydın bul jarıkka taptaza şartta kelişin kamsızdoo üçün boluşunça araket kılabız.

— Önöktöştük töröt uşul tapta keñiri jayılıp barat. Bul erkekterge negizi kanday taasir beret?

— Joldoşu gana emes, köz jarıp jatkan ayımdın apası, kaynenesi da kire alat... Eger çının aytsam, törötkö koşo kirgen erkekterge boorum açıyt. Alar sebebi öz üy-bülösün kamkordukka alıp könüp kalışkan da, al emi töröt maalında ayalı azap tartıp turganın körüp, kolunan karmay soorotkondon bölök eç kömök körsötö alışpayt.

— Kanday uçur degele esiñizden ketpeyt?

— Adatta eñ tataal uçurlar esten çıkpayt. Misalı, jakında bizge tüyüldüktün çel kabıgı taptakır ıldıy jaygaşkan bir ayım kayrıldı. Başkaça aytkanda, balanı azıktandırıp turgan platsenta jatın moyunçasın, töröt kanaldarın bütöp kalat. Albette, mınday uçurda ımırkay tabigıy jol menen jarıkka kele albayt, ene kesarevo ıkması menen köz jarat.

©

Sputnik / Joomart UraimovAkuşer-ginekolog: çının aytsam, törötkö koşo kirgen erkekterge boorum açıyt. Alar sebebi öz üy-bülösün kamkordukka alıp könüp kalışkan da, al emi töröt maalında ayalı azap tartıp turganın körüp, kolunan karmay soorotkondon bölök eç kömök körsötö alışpayt.

— Korkunuçtuu dele ugulbayt go...

Men kep kılgan beytaptan kan katuu kete baştadı, bul — eñ kooptuu sezgenüü. Negizi mınday uçurlarda vraç oor çeçim kabıl aluuga majbur: beytaptın ömürün saktap kaluu üçün jatındı alıp saluu je anı da saktoogo araket kıluu... Ayaldın organdarın bütün saktap kaluu üçün bir neçe saat alıştık. Ötköndö ele kördüm, çürpösün booruna kısıp, sak-salamat, baktıluu jüröt.

— Sizdin tıkır köz saluuñuzda kününö kança ayım ene bolot?

— Ar kanday. 5-7 ımırkaydı jarıkka alıp kelgen kündörübüz bolot, bir jolkusunda bir sutkada 37 bala törölgön! Töröt köp bolgon maal adatta köktömgö tuura kelet. Sebebi tüşünüktüü emespi, üylönüü ülpöttörü köbünese küzündö bolot.

©

Sputnik / Joomart UraimovDarıger: Töröt köp bolgon maal adatta köktömgö tuura kelet. Sebebi tüşünüktüü emespi, üylönüü ülpöttörü köbünese küzündö bolot.

— Imırkaylar jarıkka kelgende körgön birinçi kişi siz bolot turbaysızbı...

— Ooba, alar menen dayım uçuraşam, süylöşöm. Alar bizge kulak salışat, bul söz menen jetkire algıs jagımduu köz irmem!

Vraç Abdırakman Düyşöbaevdin maegin da okup çıgıñız. Al Kırgızstanda unikalduu operatsiyalardı jasagan japadan jalgız vraç.


7 months, 3 weeks ago
62 visists
Source: sputnik.kg