News Kazakh news add news

Suitsidke jeteleytin «Siniy kit» oyınınıñ balaması qazaq tilinde payda boldı

Suitsidolog qaşıqtan oqıtu kezinde balalar paydalanğan resurstardı muqiyät qadağalau mañızdı ekenin aytadı.

Qazaqstanda balalar men jasöspirimderdi suitsidke jeteleytin qazaq tilindegi oyındardıñ balaması payda boldı. Aqtöbe densaulıq saqtau basqarmasınıñ ştattan tıs psihologı jäne ştattan tıs bas suitsidologı Svetlana Poşolçenko internettegi oyındar turalı dabıl qağıp otır. Onıñ aytuınşa, jañadan payda bolğan oyındar birdey atauğa ie emes jäne ol ünemi özgerip turadı.

«İnternette atauı udayı özgerip jatatın qazaq tilindegi qosımşalar men toptar qurıla bastadı. Yağni, bular Qazaqstanğa arnayı beyimdelgen oyındar. Olardıñ barlığı da «Siniy kit» oyınınıñ negizinde jasalğan. Satılap beriletin nusqaular boyınşa balalar kün sayın tapsırmalar orındaydı. Al soñğı tapsırma – suitsid. Sondıqtan da ata-analar balalardıñ internetti paydalanuın muqiyät baqılağanı jön», – deydi sarapşı.

Sonday-aq, Svetlana Poşolçenko qaşıqtan oqıtu kezinde balalar kompyuter men gadjetterdiñ aldında köp uaqıt ötkizetindikten, olar köretin resurstardı muqiyät qadağalau mañızdı ekenin atap ötti. Ayta keteyik, balalar üşin qauipti «Siniy kit» oyını 2017 jıldan bastap äleumettik jelilerde tarala bastadı. Belgisiz adamdar Qazaqstan, Resey jäne Qırğızstan jasöspirimderin internet arqılı osı oyınğa qızığuşılığın oyattı. Jasöspirimder munday qosımşalardı jüktep alıp nemese äleumettik jelilerdegi toptarğa qosıldı.

Oyın kezeñderi «kurator» dep atalatın ıntalandıru tapsırmaları arqılı jürgizilip turadı. Al soñğı tapsırma suitsid jetkizedi. Ondağan jasöspirim osınday oyındardıñ qurbanı boldı. Keybir balalar tapsırmalardı orındağannan keyin mügedek bolıp qaldı.

Derekköz:

sputniknews.kz


1 month ago
27 visists
Source: www.ktk.kz