News Kazakh news add news

Óskemende er adam kóshede ketip bara jatqan azamatqa pyshaq ala júgirgen

ÓSKEMEN. QazAqparat – Óskemende kisi óltirmek boldy degen kúdikpen 25 jastaǵy er adam ustaldy, dep habarlaıdy QazAqparat Shyǵys Qazaqstan oblystyq Polıtsııa departamentiniń baspasóz qyzmetine silteme jasap.

Oqıǵa 18 qyrkúıek kúni tań ata Kosmıcheskaıa kóshesinde bolǵan. Kúdiktiń qalanyń 42 jastaǵy turǵynyn pyshaqpen jaraqattaǵan. Aýyr qylmysty ashý maqsatynda tájirıbeli qyzmetkerlerden jedel-tergeý toby quryldy.

«Qylmystyq polıtsııa qyzmetkerleriniń saýatty josparlaǵan izdestirý jumystarynynyń nátıjesinde kúdikti qolǵa tústi. Ol buryn qylmystyq jaýapqa tartylǵan azamat bolyp shyqty» - dedi ShQO Polıtsııa departamenti bastyǵynyń orynbasary Eldos Zakımov.

Ustalǵan adam ýaqytsha ustaý ızolıatoryna qamaldy. Qazir oqıǵanyń mán-jaıy anyqtalyp jatyr. QR QK-niń 24 baby 3 tarmaǵy 1 tarmaqshasyna sáıkes (Kisi óltirýge oqtalý), sotqa deıingi tergeý bastaldy.


1 month ago
22 visists
Source: www.inform.kz