News Kazakh news add news

Tennıs: Býblık Gambýrg týrnıriniń irikteý saıysyn sátti bastady

NUR-SULTAN. QazAqparat – Qazaqstannyń birinshi, álemniń 56-raketkasy Aleksandr Býblık Gambýrg ATR týrnıriniń irikteý saıysyn sátti bastady, dep habarlaıdy QazAqparat tilshisi.

Qazaqstandyq tennısshi alǵashqy kezdesýin reıtıngte 227-orynda turǵan germanııalyq Mats Moraıngpen ótkizdi.

Birinshi partııa barysynda breık jasaǵan A.Býblık alǵa shyqty. Sodan keıin setti taǵy bir breıkpen túıindedi – 6:2.

Ekinshi sette qazaqstandyq tennısshi birden breık jasady – 3.0. Áıtse de qarsylasy qalyspaı, tarazy basyn teńestirdi – 4:4. Degenmen A.Býblık taǵy bir breık jasap, matchty támamdady – 7:5.

Báseke 1 saǵat 10 mınýtqa sozyldy.

A.Býblık irikteý saıystarynyń fınalynda reıtıngte 59-satydaǵy amerıkalyq Tommı Polmen sheberlik baıqasady. Ony utsa, negizgi týrnırge joldama alady.

Júlde qory 1,7 mln eýrodan asatyn Gambýrg jarysy 21-27 qyrkúıek aralyǵynda ótedi.

Koronavırýsqa baılanysty oryn alǵan úzilisten keıin A.Býblık tabysty oınaı almaı júr. Aldymen AQSh-tyń ashyq chempıonatynda alǵashqy aınalymnan asa almasa, sodan keıin Rım masters týrnıriniń irikteý saıysynda súrindi.

Eske sala keteıik, budan buryn ıÝlııa Pýtıntsevanyń Rımde Italııa ashyq chempıonatynyń jartylaı fınalyna shyǵa almaǵanyn

jazǵan bolatynbyz.


1 month ago
25 visists
Source: www.inform.kz