News Kazakh news add news

Nur-Sultanda kópir astynan sportpen aınalysatyn alańqaı ashyldy

NUR-SULTAN. QazAqparat - L.N. Gýmılev atyndaǵy EUÝ mańyndaǵy úsh myń sharshy metrge jýyq jańa kópir alańy abattandyryldy. Bul týraly Nur-Sultan qalasy ákimi Altaı Kólginov óz «

Instagram

» paraqshasynda jazdy, dep habarlaıdy ákimdiktiń resmı

saıty.

«Turǵyndarymyz ben elorda qonaqtary úshin taǵy bir kópirasty keńistik (L.N.Gýmılev atyndaǵy EUÝ mańy) ashyldy. Ol úshin 3 myńǵa jýyq sharshy metr jer abattandyryldy. Jańa qoǵamdyq keńistik eki bólek ornalasqan úlken aýmaqtan turady. Bul – basketbol jáne vorkaýt alańdary. Jas turǵyndarymyzdyń ótinishi boıynsha skeıt-alań ashylyp, tennıs ústeli ornatyldy.

Sýretshilerimiz de qabyrǵalarǵa tanymal sportshylardy beınelep, ol da ózindik sán berip tur. Bul – balalardyń kóz aldynda olarǵa rýh berip, ózderine senimdi bolýy úshin úlgi bolarlyqtar kórinis. Óıtkeni kásibı arenalarǵa aparatyn jol jáne salaýatty ómir saltyn qalyptastyrý aýladaǵy sporttan bastalatyny belgili. Ol úshin bıyl 150 aýla men 50 qoǵamdyq keńistikti abattandyramyz. Osynyń ózi bizge 300 myńnan asa adamnyń sportpen aınalysýyna jaıly jaǵdaı jasaýǵa múmkindik beredi. Budan bólek, 3 turǵyn alapta úlken sport kesheniniń qurylysy júrip jatyr. Sol sııaqty birqatar sport nysanyna jóndeý júrgiziledi.

Karantın bizge densaýlyqqa asa mán berip, ımmýnıtetimizdi kóterip, sportpen aınalysý kerektigin kórsetti», - dep jazdy Altaı Kólginov.


1 month ago
34 visists
Source: www.inform.kz