News Kazakh news add news

2020 jılğı «Bolaşaq» stipendiyäsı iegerleriniñ tizimi jariyälandı

«Bolaşaq» halıqaralıq stipendiyäsına ie bolğan ümitkerler tizimi jariyälandı.

Ol turalı QR Bilim jäne ğılım vitse-ministri Miras Däulenov öziniñ

Facebook

-tegi paraqşasında mälim etti. Eñ aldımen vitse-ministr halıqaralıq stipendiyänı tağayındauda ädildik pen aşıqtıq qamtamasız etu jolında jasalğan bastı qadamdarğa toqtalıp ötti.

«Stipendiattardı irikteu Prezidenttik jastar kadrlıq rezervine irikteu ülgisi boyınşa tolığımen avtomattandırılğan. Konkurstıq irikteudiñ är kezeñi proktoring jüyesi arqılı tsifrlandırılğan jäne beynetirkeuge alındı. Biz keşendi testileu men suhbattasu protsesin ötkizu täsilin sapalı etip özgerttik. Ümitkerler oqu ornına öz betimen tüsui tiis, sondıqtan pändik suraqtar qoyıp, tekserudiñ qajeti joq. Onıñ ornına biz ümitkerlerdiñ taldau, sıni oylau, faktilerdi tüsindiru dağdıların jäne erekşe jağdaylarda beyimdelu qabiletterin bağalauğa nazar audardıq» - dedi M. Däulenov.

Onıñ aytuınşa, respublikalıq komissiyänıñ şeşimimen «Bolaşaq» stipendiyäsı 106 ümitkerge berildi.

«Tağı bir bastı jañalıq, barlıq stipendianttıñ bilim alu barısı boyınşa monitoring Halıqaralıq bağdarlamalar ortalığınıñ jaña portalında tsifrlıq formatta jüzege asırılatın boladı. Endi stipendiattarğa jartı jılda bir ret transkripterdi skanerleudiñ, esepter jazudıñ jäne anıqtamalar jiberudiñ qajeti joq. Barlıq derek blokçeyn tehnologiyäsına negizdelgen jüyede jinaladı. Al sol jüyedegi kez kelgen özgerister avtomattı rejimde tirkelip, saqtaladı. Bul stipendianttarğa qatıstı aqparattıñ negizsiz özgeruine jol bermeydi», - deydi ol.

Stipendiattardıñ tolıq tizimimen

mına silteme

arqılı tanısuğa boladı.


1 month ago
31 visists
Source: www.ktk.kz