News Kazakh news add news

Quqıq qorğauşı Elena Semenova türmede jatqan dissident Aron Atabekke jolığıp şıqtı

Quqıq qorğauşı Elena Semenova türmede jatqan dissident, aqın Aron Atabekke jolığıp şıqqanın mälimdedi. 18 jılğa sottalğan Atabek Pavlodardıñ tergeu izolyatorında qamauda jatır. Semenovanıñ sözinşe, ol aqınmen qayırılımdılıq kömek körsetu ayasında jolıqqan. Ol Atabektiñ "bostandıqtı qalaytının, biraq eñsesin tik köterip şığa alatınday" bostandıq kerek ekenin ayttı deydi.–

– Ol mağan advokatınıñ qızmetinen bas tartatının aytıp, quqığın qorğaudı menen suradı. Aron Atabektiñ sözinşe, ol meni bostandıqqa şığaru mäselesin özgelerden jaqsıraq bilgenim üşin tañdağan. Düysenbiden bastap (21 qırküyek) biz senimhattı äzirleu protsedaruasın bastaymız" – dedi Semenova Azattıqqa. Quqıq qorğauşınıñ aytuınşa, Atabek keşirim suraudı jäne ökiniş bildirudi talap etetin bostandıqtan bas tartqan. Öytkeni ol özin kinäsiz sanaydı.

Semenovanıñ sözinşe, tergeu izolyatorındağı kezdesu qısqa uaqıttıq jolığu formatında ötken: olar tereze eki jağında otırıp, telefon arqılı söylesken.

– Baqıtjan Töreğojina ["Ar.Ruh.Haq" quqıq qorğau qorınıñ jetekşisi] mağan aqşa audardı, men oğan kiim-keşek pen azıq-tülik satıp alıp, tergeu izolyatorına aparıp berdim. Sol jerde tereze arqılı söylesu mümkindigi tudı. Ol Baqıtjan Töreğojinağa kömegi üşin, dosı Nurlan Ämrequlovqa men aparğan kitabı üşin alğıs bildirdi" dedi Semenova.

Semenova 67 jastağı Atabektiñ auırıp otırğanın, onı mügedek dep tanu qajetin, bul mäseleniñ şeşilmey otırğanın aytadı. Quqıq qorğauşı Atabek jası kelse de zeynetaqısın ala almaytı otır deydi. Onıñ sözinşe, zeynetkerlikti räsimdeude qiındıqtar tuğan.

Kezdesudiñ qısqaşa esebin Semenova Facebook jelisindegi paraqşasında jariyäladı. Osığan deyin ol Atabekpen 14 tamız küni video baylanıs arqılı söylesken.

31 şilde küni Aron Atabek birşama jıl ötkende alğaş ret otbasına qoñırau şalıp, qızı Aydana Aydarhanmen söylese alğan. Qızımen söyleskende ol häliniñ naşarlığın aytıp, quqıq qorğauşılardan mügedektiktikti räsimdeuge kömek surağan. Sol küni-aq onımen "resmi" quqıq qorğauşılar kezdesip, onıñ ötinişin rastadı. Olar Atabektiñ koronavirusqa şaldıqqanın teristedi.

Atabektiñ koronavirusqa şaldıqqan boluı mümkin degen aqparattı bir kün burın quqıq qorğauşı Baqıtjan Töreğojina habarlağan. Ol bul aqparattı anonim derekközderden alğanın aytqan.

Atabek 2006 jılğı 14 şildedegi Şañıraq oqiğasınan keyin sottalğan. Sol küni Almatı şetindegi Şañıraq şağın audanınıñ turğındarı bilik zañsız soğılğan degen üylerdi buzuğa kelgen politsiyä küşterine qarsılıq körsetip, qaqtığıs bolğan. Saldarınan 24 jastağı politsey qaytıs bolğan. Bilik onıñ ölimine birqatar jergilikti turğında jäne sol küni Şañıraqta bolğan aqın, äri dissident Aron Atabekti ayıptağan. Atabek 18 jılğa, Qurmanğazı Ötegenov 16 jılğa, Erğanat Taranşiev 15 jılğa, Rüstem TUyaqov 14 jılğa sottaldı. Keyingi ekeui 2018 jılı merziminen burın bosatıldı. Ötegenov 2013 jılı türme äkimşiligi qızmetkerleriniñ "zañdı talaptarına bağınbadı" dep ayıptalıp, merzimi eki jılğa uzartıldı.

Aron Atabek türmedegi jıldarınıñ bäri özi turatın Almatıdan tısqarı jerde ötkizdi. Pavlodar tergeu izolyatorına onı 2014 jıldıñ säuirinde auıstırğan.

Qazis Toğızbaev Azattıqtıñ Almatıdağı tilşisi retinde 2008 jıldan beri jumıs istep keledi. Oppozitsiyälıq "Söz" jäne "Azat" gazetterinde, kub.info saytında tilşi bolğan.


1 month ago
24 visists
Source: www.azattyq.org