News Kazakh news add news

Túrkistan oblysynda jyl basynan beri 600-den astam mas júrgizýshi ustalǵan

TÚRKISTAN. QazAqparat – Túrkistan oblysynda jyl basynan beri 614 júrgizýshiniń spırtti ishimdik tutynyp, mas halde kólik basqarǵany anyqtalǵan. 606 júrgizýshiniń isi sotqa joldanyp, hattamalar toltyrylǵan, dep habarlaıdy QazAqparat tilshisi.

Oblystyq Polıtsııa departamentiniń qyzmetkerleri jol-kólik apattarynyń aldyn alý men jolda júrý erejelerin óreskel buzýshylardy anyqtaý maqsatynda turaqty túrde reıd sharalaryn uıymdastyryp keledi. Onyń ishinde mas kúıde kólik basqaratyndardy anyqtaý úshin polıtsııa qyzmetkerleri túngi ýaqytta reıdke shyǵady. Osyndaı atqarylǵan is-sharalardyń nátıjesinde 524 azamat ákimshilik qamaýǵa alynyp, 48 júrgizýshi kýáliginen aıyrylǵan. Mas júrgizýshiler 11 jol-kólik oqıǵasyna sebepshi bolǵan. Atalǵan jol-apattary saldarynan 1 adam qaıtys bolyp, 16 jolaýshy túrli dene jaraqattaryn aldy.

Óz kezeginde, óńirdiń tártip saqshylary azamattarǵa árdaıym abaı bolýdy jáne jol qozǵalysy erejelerin qatań saqtaý qajettigin eskertedi. Júrgizýshilerge jyldamdyqty asyrmaý men manevr jasaý erejelerin buzbaýdy, qarsy qozǵalys jolaǵyna shyqpaýdy jáne basqa da quqyq buzýshylyqtady jasamaýdy túsindirdi.


1 month, 1 week ago
22 visists
Source: www.inform.kz