Kıtayda koronavirus oçrakları rekord däräcägä citte

Közge aylardagı soñgı dulkında Omikronnıñ yogışlılıgı yugarı “BA.5.2” subvariantı taraluı farazlana

Kıtayda köndälek koronavirus yoktıru oçrakları kizüneñ başınnan birle iñ yugarı däräcägä citte.

Milli sälamätlek saklau komissiyäsennän yasalgan belderügä karaganda, ildä soñgı 24 sägattä virus arkasında 1 keşeneñ gomere özelde, hastalık bilgeläre bulgan 4 meñ 10, simptomnarsız 27 meñ 646 oçrak terkälde. Közge aylardagı soñgı dulkında Omikronnıñ yogışlılıgı yugarı “BA.5.2” subvariantı taraluı farazlana.

Hinan provintsiyäse başkalası Tsinkouda koronavirusnıñ taraluı kontrol itelä almav säbäple 8 rayonda 5 kön bue azık-tölek alu häm meditsina ihtiyäclarınnan tış öydän çıgu tıyıldı.

Guandun provinşiyäseneñ üzäge häm Kıtaynıñ iñ zur öçençe şähäre Guankouda isä Hubey töbägennän eşläü öçen kilgän keşelärneñ karantinnan soñ vakıtlıça torgan mähällägä kire kayta almavları häm öysez kaluları belderelde. Alarnıñ Kovid-19 testı pozitiv çıkkannarın karantin üzäklärenä cibärälär häm soñınnan kabat mähällälärenä kerergä röhsät birmilär.

Başkala Pekinda yoktıru oçrakları kizü başınnan birle iñ yugarı däräcägä citte, çikläülär torgan saen kiskenläşä. Yakınça 22 million keşe yäşi torgan kalada soñgı 24 sägattä avırtu bilgeläre kürästüçe 500, kürsätmäüçe 1139 oçrak terkälgän. Köndälek yoktıru oçrakları soñgı 2 köndä meñnän arta.

Source: www.trt.net.tr