Cir teträüdä ülüçelär sanı arta

Alarnıñ sanı 271 bulgan

İndoneziyäneñ Könbatış Yava provintsiyäsendä 21 nçe noyabrdä bulgan 5,6 ball zurlıgındagı cir teträüdä ülüçelär sanı 271 gä citkän.

Bu hakta milli afätlär belän idarä itü agentlıgı başlıgı Cuharyanto häbär itä.

Cuharyanto bilgeläp uzgança, zilzilädä 2 meñ 43 keşe yaralangan, kim digändä 40 keşe häbärsez yugalgan.

Cir teträüdän soñ ike könnän häräbälär astınnan 6 yaşendäge ber balanı çıgaralar.

Tabigıy afättä gomeren yugaltkan 271 keşedän 100e balalar.

Milli afätlär belän idarä itü agentlıgı başlıgı äytüençä, cir teträüdän soñ yakınça 62 meñ keşe sıenu urınnarında kala.

Afät töbägenä politsiyä häm üzihtyarıylarga yärdäm itü öçen 12 meñ armiyä hezmätkäre cibärelgän.

Zilzilä arkasında 56 meñ 230 dan artık yort, 170 tän artık däülät binası, şul isäptän 31 mäktäp zıyan kürgän.

Source: www.trt.net.tr