Rusiyä belän Ukraina arasında äsir belän almaşu

Rusiyä belän Ukraina arasında 24nçe fevraldän birle däüam itkän sugıştagı äsirlärneñ kayberäüläre belän almaşu buldı

Rusiyä saklanu ministrlıgınnan yasalgan belderüdä Ukraina tarafı belän söyläşülär näticäsendä 35 Rusiyä gaskärieneñ azat itelüe äytelde.

Belderüdä kiräkle meditsina häm psihologik yärdäm kürsätelgän härbilärneñ Ministrlıkka bäyle oçkıçlar belän başkala Mäskäügä citkereläçäge iskärtelep uzıldı.

Ukraina İlbaşı ofisı başlıgı Andriy Yermak isä “Telegram” akkauntınnan yasagan belderüendä: "Berse sivil (gracdan), 35e härbi 36 vatandaşıbıznı öylärenä alıp kiterdek”, - dip citkerde.

Bolar arasında Ukrainanıñ Mariupol şähärendäge “Azovstal” eşhanäsendä sugışıçılar belän Çernobıl atom elektrostantsiyäsendä sugışnıñ berençe könnärendä äsir itep alıngan gaskärilärneñ buluına iğtibarnı yünältüçe Yermak 8 ay bue äsirlektä kalgan vatandaşlarnı azat itä alularına basım yasadı.

Rusiyä belän Ukraina arasında soñgı tapkır 3nçe noyabrdä yasalgan äsir almaşuı kısalarında 107 Rusiyä häm 107 Ukraina härbie ike yaklı bularak azat itelgän ide.

Source: www.trt.net.tr