Angliyä Ronaldunı cäzaga tarttı

Kriştianu Ronaldu aprel aendagı ber matçnıñ ahırında üzen töşerüçe tarafdarnıñ telefonın bärep cirgä töşergän ide

Portugaliyäneñ tanılgan futbolçısı Kriştianu Ronaldu aprel aendagı ber matçnıñ ahırında üzen töşerüçe tarafdarnıñ telefonın bärep cirgä töşerüe öçen cäzaga tartıldı.

Angliyä futbol federatsiyäse anı 2 matçka çıgudan tıydı häm 50 meñ funt sterling ştraf saldı.

Moña kitergän vakıyga aprel aenda “Mançester Yunayted”nıñ “Everton”ga 1gä 0 ciñelgän matçı ahırında bula. Ronaldı çişenü bülmäsenä barganda üzen töşerüçe 14 yäşlek Dceyk Harding isemle malaynıñ kulındagı telefonnı alıp cirgä ata häm ul vatıla.

Reaktsiyälärdän soñ Ronaldu sotsial media akkauntı aşa älege häräkäte öçen gafu ütende häm Hardingnı matçka çakırdı.

Source: www.trt.net.tr