AI: Rusiyä hakimiyätläre protestlarga yul kuymas öçen, media çaraların ezärlekli

Bügen, 24 noyabrdä hokuk yaklauçılarnıñ “Sine barıber totkarlayaçaklar” hisabı çıktı.

Teläsä nindi protestnı, hätta ul tınıç çara bulsa da, rähimsez bastırıp, şulay uk cämäğatçelekne karşılık çaraları turındagı mäğlümattan mährüm itep, Kreml halık arasında kanäğatsezlek kürsätülärneñ tamırın korıtırga tırışa, diyelä hokuk yaklauçılarnıñ "Sine barıber totkarlayaçaklar" hisabında. Ul 24 noyabrdä çıktı.

Hisap avtorları iskärtüençä, protestlar vakıtında politsiyä curnalistlarga häm bäysez küzätüçelärgä köç kullanıp kına kalmıy, bu keşelärgä äle yüridik çikläülär dä bar, äytik "ğaskärne diskreditatsiyäläü" cinayät maddäse nigezendä 15 yılga qadär irektän mährüm itüne küz uñında totkan kanun.

Hokuk yaklauçılar fikerençä, bu normalar keşelärneñ hökümät ğamällärenä karşı protest belderü hokukın beterde diyärgä dä bula.

Source: www.azatliq.org