"Hizb-ut-Tährir" oyışmasın oyıştıruda ğayeplängän Albert Şäfiyev törmädän koloniyägä küçerelgändä Orenburda yukka çıkkan

2020 yılda Albert Şäfiyevne ike yılga Sarıtau ölkäseneñ Balaşov şähäre törmäsenä cibärdelär.  2022 yılnıñ oktyabre ahırında kabat Orenburnıñ 1nçe tikşerü izolyatorına, ä annan Novotroitski şähärendäge 5nçe tözätü koloniyäsenä küçerergä tiyeşlär ide, ul koloniyägä barıp citä almagan diyelä.

2018 yılda Şäfiyevka törmä cäzası birelde, ul 2016 yıldan birle sak astında. Yeget Orenbur ölkäseneñ 5nçe tözätü koloniyäsendä totıldı, 2020 yılda anı "tözätü maksatlarında" ike yılga Sarıtau ölkäseneñ Balaşov şähäre törmäsenä cibärdelär. Moña anıñ yänäse tärtip bozuı säbäpçe bulgan, şul hakta 52 raport tözelgän.

2022 yılnıñ oktyabre ahırında Şäfiyevnı kabat Orenburnıñ 1nçe tikşerü izolyatorına, ä annan Novotroitski şähärendäge 5nçe tözätü koloniyäsenä küçerergä tiyeşlär ide, yeget koloniyägä barıp citä almagan diyelä.

Totkınnıñ änise 2 noyabrdä üzenä çit nomerdan şaltıratuların söylägän. Üzen advokat dip tanıştırgan keşe Şäfiyevneñ Orenburdagı 1nçe tikşerü izolyatorında açlık iğlan itüen ireştergän.

Advokat yegetneñ kayçannan birle açlık totuın da, monıñ säbäplären dä häbär itmägän.

Ana Orenbur advokatınnan Albert belän oçraşıp karavın soragan, tik yuristka Şäfiyev izolyatorda yuk digännär. Yegetne bilgesez yünäleştä alıp kitkännär diyelä.

"Ulımnı äybät belgängä kürä, anıñ açlık tota başlavı nık çarasızlıktan gına bula aluın añlıym", digän Şäfiyevneñ änise.

Häzerge vakıtta irneñ kayda buluı bilgele tügel.

Source: www.azatliq.org