İmran Hanga höcümne AKŞ ta gayepläde

Pakıstannıñ elekkege hökümät räise İmran Hannıñ konvoena kiçä höcüm ittelär

Amerika Kuşma Ştatları Pakıstannıñ elekkege hökümät räise İmran Han häm anı yaklauçılarga karata höcümne gayepläde.

Ak Yort süzçese Karin Can-Pyer ilbaşı Dco Baydennıñ Nevadaga säfärendä ozatıp baruçı curnalistlarga oçkıçta belderü yasadı. Ul säyäsätçeneñ konvoena kiçä yasalgan höcüm turında bolay dide: “AKŞ İmran Han häm anı yaklauçılarga höcümne gayepli häm yaralılarga şifalar teli. Cäyäsättä köç kullanuga urın yuk”.

Can-Pyer ildäge barlık yaklarnı aek akıllı bulırga çakırdı.

İmran Hannıñ korallı höcümgä duçar bulıp yaralanuınnan soñ il külämendä protestlar başlandı.

Pakıstan başkalası İslamabad, Karaçi, Lahor, Faysalabad, Ravalpindi, Peşavar, Multan häm tagın bik küp şähärdä Pakıstan gadälät häräkäte liderı Hanga karata höcümgä rizasızlık belderü öçen halık uramnarga çıktı. İsegezgä töşeräbez, kiçä Päncap töbäge Väzirabad şähärendä säyäsätçeneñ konvoena ut açtılar. Höcümdä 1 keşeneñ gomere özelde, 6 keşe yaralandı.

Source: www.trt.net.tr