Polşa 3 atom elektr stantsiyäsın töziyäçäk

Polşa Baş ministrı Mateuş Moravetskiy ileneñ atom energiyäsı programması kısalarında tuplam 6 reaktorga iyä 3 atom elektrostantsiyäsın salaçagın äytte

Polşanıñ “PAP” häbär agentlıgına kürä, Mateuş Moravetskiy energiyä kurkınıçsızlıgı öçen atomnıñ möhimlegenä basım yasadı.

Moravetskiy, atom stantsiyäläreneñ ileneñ bazardan häm bircadan bäysez buluın täemin itäçägen belderep: "Tuplam 6 reaktorga iyä 3 atom elektrostantsiyäsen töziyäçäkbez”, - dide.

Atom energiyäsına salıngan kapitalnıñ Polşanıñ yañartıla alıngan energiyä çıganakların kamilläştermäyäçäge mäğnäsenä turı kilmäüen citkerüçe Moravetskiy: "Läkin bügen kümer belän täemin itelgän totrıklı energiyäga ihtıyacıbız bar”, - dip belderde.

Polşanıñ berençe atom elektr stantsiyäsınıñ Amerika Kuşma Ştatlarında urnaşkan “Vestinghouse Electric Company” isemle atom energiyäsı şirkäte tarafınnan salınaçagı 28nçe üktäbrdä iğlan itelgän ide.

Tözeleşe 2026nçı yılda başlanaçak atom elektr stantsiyäsında berençe reaktornıñ 2033nçe yılda eşli başlauı kötelä.

Polşa ikençe stantsiyä öçen isä Könyak Koreya belän bu ilneñ başkalası Ceuldä yahşı niyät kileşüen imzaladı.

Polşanıñ “ZE PAK” energetika şirkätennän yasalgan belderügä kürä, kileşügä Könyak Koreya atom elektr stantsiyäse operatorı bulgan “Korea Hydro & Nuclear Pover Co” belän “PGE” häm “ZE PAK” kul kuydı.

Source: www.trt.net.tr