Mobilizatsiyä iğlan itelgännän soñ, 200 meñ rossiyäle Kazahstanga kitkän

Öleşçä mobilizatsiyä iğlan itelgännän birle Rossiyädän Kazahstanga 200 meñnän artık keşe (uzgan täülektä – 7 meñ keşe) kergän.

21 sentyabrdän gracdanlık alu öçen 441 keşe gariza birgän. Bu hakta Kazahstan eçke eşlär ministrı Marat Ahmetcanovka sıltama belän RBK häbär itä.

Gracdanlıkka gariza birüçelärneñ 117se - Rossiyädän kilgän etnik kazahlar.

21 sentyabrdän başlap Kazahstannan 147 meñ rossiyäle kitkän. Çik buyındagı häl kontroldä, ütkärü punktlarındagı vazgıyät totrıklı, dip häbär itte ministr.

Bügen şulay uk 21 sentyabrdän däülät hezmätläre portalı aşa Rossiyädän 70 meñ keşe üz teläge belän mahsus operatsiyägä yazıluı da mäğlüm buldı.

Mahsus härbi operatsiyä zonasında hezmät itü öçen rezervistlarnı çakırtu öçen ildä öleşçä mobilizatsiyäne Rossiyä Prezidentı Vladimir Putin iğlan itte. Gomumän alganda, 300 meñgä yakın rezervistnı mobilizatsiyäläü planlaştırıla, dip açıklık kertte Rossiyä saklanu ministrı Sergey Şoygu.

Çıganak - "Tatar-inform"

Source: shahrikazan.ru