Kazannıñ çikläre kiñäytelä

Däülät Sovetı deputatları moña bäyle zakon proyıktın huplap tavış birde.

Kazan şähäre territoriyäsen kiñäytä. Tatarstan başkalasına Biyektau rayonınıñ “Fänni şähärçek” territoriyäse kuşılaçak. Näticädä, Kazan halkı 600 keşegä artaçak, dip belderde Kazan Başkarma komitetı citäkçese Röstäm Gafarov.

2020 yılda fänni şähärçekne Kazanga kuşarga Prezident Röstäm Miñnehanov täqdim itkän ide. Fänni şähärçektä yäşäüçe 500 keşe 2000 yıllardan alıp Kazanda terkälgän, Tatarstan başkalasında eşli, balalarnı Kazan balalar bakçalarına häm mäktäplärenä alıp kayta. Ämma territoriyä Biyektau rayonına karıy, häm bu halık öçen kıyınlıklar tudıra, digän ide Prezident.

Fänni şähärçek territoriyäsendä toksikologik, radiatsion häm biologik kurkınıçsızlık federal üzäge häm torak yortlar urnaşkan.

Source: shahrikazan.ru