Tatarstan belän Mari El çikläre täğaenlände

Tatarstan Däülät Sovetı deputatları ike töbäk arasında çiklärne bilgeläü kileşüen rasladı.

Tatarstan Däülät Sovetı deputatları Tatarstan belän Mari El Respublikaları arasında çiklärne täğaenläü buyınça kileşüne raslap, tavış birde.

Moña bäyle mäğlümat belän respublikanıñ cir häm milek mönäsäbätläre ministrı Fänil Agliullin tanıştırdı.

Ministr süzlärençä, respublika çikläre 3431 çakrım täşkil itä. (Şularnıñ 334 çakrımı Mari El respublikasına kagıla). Tatarstan sigez subekt belän çiktäş. Çiklärne täğaenläü mäsäläsen karaganda problemalı 570 kişärlek açıklangan.

Mari El belän çiklärne täğaenlägändä respublikanıñ Yäşel Üzän rayonındagı urmançılık kişärleklären ızanlau protsessı başkarılgan.

Source: shahrikazan.ru