Benzinga bäyälär artkan

Uzgan atnada – 12-19 sentyabrdä Tatarstanda Aİ-92 häm Aİ-95 markalı benzinga, şulay uk dizel yagulıgına bäyälär artkan.

Bu mäğlümatlarnı Tatarstanstat iğlan itte.

Statistika mäğlümatlarına karaganda, Aİ-92neñ urtaça bäyäse 1 tiyengä artıp, litrı 45,93 sum bulgan. Aİ-95 benzinı bäyäse 8 tiyengä kütärelgän. Ber litrı 49,42 sumnı täşkil itä.

Dizel yagulıgı bäyäse 11 tiyengä kütärelde. Ul ber litrı öçen 52,62 sumnan 52,73 sumga citte. Şul uk vakıtta Aİ-98 benzinınıñ bäyäse elekke däräcädä kaldı. Ber litrı 52,4 sum tora.

Şunı äytergä kiräk, häzer Aİ-92 häm Aİ-95 markalı benzin 2022 yıl başı belän çagıştırganda arzanrak. Dekabr azagında Aİ-92 benzinınıñ litrı – 45,98 sum, ä Aİ-95 benzinı 49,51 sum tora ide.

Çıganak - "Tatar-inform"

Source: shahrikazan.ru