Törkiyä-Azärbaycan-Paqıstan urtaq beldergese

Tışqı eşlär ministrı Mäwlüt Çavuşoğlu Törkiyä-Paqıstan-Azärbaycan arasında şaqtıy ölkädä mönäsäbätlärne yaxşırtırğa kileşülären belderep: "İminlekne, totrıqlılıqnı häm mullıqnı arttıru öçen möhim adımnar yasarğa buldıq”, - dip äytte

Mäwlüt Çavuşoğlu

Paqıstan başqalası İslamabadta oyıştırılğan

Törkiyä-Azärbaycan-Paqıstan

öç yaqlı tışqı eşlär ministrları cıyılışınnan soñ ütkärelgän urtaq matbuğat oçraşuında çığış yasadı.

Yuğarı däräcäle oçraşuda şaqtıy ölkädä bergä eşläw qararına kilülären assızıqlawçı Çavuşoğlu: "İminlekne, totrıqlılıqnı häm mullıqnı arttıru öçen möhim adımnar yasaw qararına kildek. Sammit cıyılışıbıznıñ berençesen 2017dä Baqıda uzdırdıq, xäzer çirat Törkiyädä. Bügen şuşı formattağı cıyılışlarnı tağın da yışraq ütkärergä buldıq. Yäğ’ni 3-4 yıl kötärgä kiräkmi”, - dip äytte.

Çavuşoğlu Paqıstan tışqı eşlär ministrı Şah Mahmud Kuräyşi häm Azärbaycan tışqı eşlär ministrı Cäyhun Bayramov belän ütkärgän öç yaqlı cıyılışta illär arasındağı mönäsäbätlärneñ üsüeneñ möhimlegenä dä tuqtalıp uzuların citkerep: "Bigräk tä transport häm energetika ölkäsendä asqormanıñ qamilläşterelüeneñ ni çaqlı ähämiyätle buluın telgä aldıq”, - dip belderde.

Paqıstan tışqı eşlär ministrı Şah Mahmud Kuräyşi dä

ilenen Törkiyä häm Azärbaycan belän yaqın häm dustanä mönäsäbätlär urnaştıruın, öç yaqlı mönäsäbätlärdä bik möhim bulğan ışanıç täemin itülären assızıqladı.

Söyläşülärdä säwdä, kapital salu, iminlek ölkäläre belän ber rättän strategik häm säyäsi xezmättäşlek mäs’älälären quzğatuların añlatuçı Kuräyşi öç ilneñ şaqtıy törle mäs’älädä yaqın töğençälärgä häm urtaq mänfäğätlärgä iyä buluına basım yasadı.

Azärbaycan tışqı eşlär ministrı Bayramov isä: "Paqıstannan häm Törkiyädän firmalarnı bez (ärmän yawınnan) azat itkän cirlärebezne (Tawlı Qarabaxnı) yañadan tözekländerergä çaqıram”, - dip äytte.

Matbuğat oçraşuınnan soñ Törkiyä, Azärbaycan häm Paqıstan arasında säyäsät, iq’tisad, tınıçlıq häm iminlek ölkäläre belän bergä şaqtıy mäs’älädä xezmättäşlekneñ arttırıluın täemin itäçäk "İslamabad deklaratsiyası” imzalandı.


1 week ago
0 visists
Source: www.trt.net.tr