Dönya sälamätlek saklau oyışması pandemiyäneñ ikençe yılı avırrak ta bulırga mömkin dip kisätä

Häzerge vakıtta pandemiyä Tönyak häm Könyak Amerikada köçleräk taralgan.

Rayan süzlärençä, Tönyak Amerika häm Evropada suıklar küzätelä, keşelär salkınnan kaçıp binalarda utırırga mäcbür, bu sotsial katnaşunı köçäytä. Älege häl küp illärdä virus taraluın arttıra dide oyışma väkile.

WHOnıñ COVID-19 belän bäyle soraularga cavap birüçe tehnik mödire Mariyä Van Kerkhove Yaña yıl bäyrämnärennän soñ kayber illärdä koronavirus taralu belän bäyle väzgıyät tagın da naçarayırga mömkin dip kisätte.

Annan alda WHO atnalık hisabında 4-10 ğıynvarda koronavirus yoktırular rekordlı biş millionga üste digän san kiterde. Aña qadär ike atna dävamında açıklanuçı yaña oçraklar kimep bara ide. 4-10 ğıynvarda koronavirus dönyada 85 meñ keşeneñ gomeren özgän. Çir yoktırunıñ yaña oçraklarınıñ 51 protsentı häm ülemnärneñ 45 protsentı Tönyak häm Könyak Amerikaga turı kilgän diyelä.

Başkortstanda barlıgı 21 402 oçrak räsman terkälgän, häzerge vakıtta 5130 keşe avırunıñ aktiv fazasında diyelä. Täülek eçendä yaña 167 oçrak açıklangan, avıru başlangannan birle barlıgı 161 keşe ülgän digän san kiterelä.

Tatarstanda, Rusiyä statistikasına yaraşlı, 14541 keşe COVID-19 yoktırgan, uzgan täülektä 92 keşedä virus açıklangan. 218 keşe pandemiyä korbanı bulgan. 3209 keşe häzerge vakıtta çir belän köräşä diyelä.


3 days, 1 hour ago
0 visists
Source: www.azatliq.org