Tatarstanda koronavirusnıñ 92 yaña oçragı açıklangan

Uzgan täülektä Tatarstanda SOVID-19 yoktırunıñ 92 yaña oçragı açıklangan. Bu hakta infektsiyägä karşı köräş buyınça respublika operativ ştabında häbär ittelär.

2 yaña oçrak çittän kaytkan keşedä raslangan, kalgannarı elemtä aşa yoktırgan. 30 keşe hastahanägä ozatılgan, tagın 62 keşedä älege çir ciñelçä häm simptomsız ütä.

Yaña oçraklarnıñ geografik büleneşe tübändägeçä: Kazan - 42, Biyektau rayonı - 9, Çallı - 7, Bua häm Leninogorsk - 6 oçrak, Layış - 4, Kama Tamagı häm Çistay - 3 oçrak, Täteş rayonında - 2. Yäşel Üzän, Kaybıç, Nurlat, Piträç häm Tukay rayonnarında avıru oçrakları bereşär.

Yäş buyınça avırıp kitüçelär: 18 yäşkä qadär balalar häm yäşüsmerlär arasında- 2 keşe, 18 dän 30 yäşkä qadär - 10 keşe, 30dan alıp 50 - 30 ga qadär, 50 dän 60ka qadär - 9, 60tan 70kä qadär - 22, 70tän 80kä qadär - 11, 80nän - 90ga qadär - 7, 90 yäştän ölkänräklär arasında - 1 çir yoktıru oçragı.

Foto: https://pixabay.com/ru/


3 days, 2 hours ago
0 visists
Source: shahrikazan.ru