YuHİDİ maşina yörtüçelärgä yırak yullarga çıkmaska kiñäş itte

TR buyınça EEM YuHİDİ respublika territoriyäsendä hava şartlarınıñ naçarayuı turında kisätä häm maşina yörtüçelärne maşinanıñ tehnik äzerlegenä citdi kararga çakıra.

Sinoptiklar farazlavınça, Tatarstanda 14 häm 15 ğıynvarda hava torışı naçarlanaçak. Kar yavuı kötelä, buran arkasında küz küreme naçarlanaçak, cilneñ 16 m/s ka qadär köçäyüe kötelä. Yullarda bozlavık häm kar körtläre barlıkka kilergä mömkin. TR buyınça Eçke eşlär ministrlıgınıñ däülät avtoinspektsiyäse kışkı şinnar "kiderelmägän" M1 häm N1 kategoriyäle transport çaraların kış köne ekspluatatsiyäläü tıyıla. Şulay uk ber küçärgä törle razmerdagı şinnar, konstruktsiyälär urnaştıru kiñäş itelmi. Avtomobil belän idarä itkändä, maşina yörtüçelär yulda bik iğtibarlı häm sak bulırga tiyeş.

Katlaulı meteorologiyä şartlarında maşina yörtüçelär maksimal röhsät itelgän häräkät tizlege belän tügel, ä kilep tugan yul şartlarında kurkınıçsızlıknı täemin itärlek tizlekne saylarga tiyeş. Karşı yaktan häräkät öçen bilgelängän yul yagına çıgu belän bäyle kurkınıç manevrlardan tıyılırga kiräk. GAİ yul häräkätendä katnaşuçılarnı torak punktlardan çitkä çıkmaska çakıra. Ştattan tış hällär kilep çıkkan oçrakta, yärdäm sorap möräcäğat itü öçen telefon: 8 (843)-533-38-88.


3 days, 4 hours ago
0 visists
Source: shahrikazan.ru