Kazannan Arhangelskka turı reyslar açıldı

Kazannan Arhangelskka turı reyslar açıldı. Tatarstan başkalasınnan oçışlar düşämbe häm pänceşämbe könnärendä, ä Arhangelsktan sişämbe häm comga könnärendä planlaştırılgan, dip häbär itä Kazan meriyäse.

Kazannan samoletlar 14.45 säğattä oçıp kitäçäk, Arhangelskka 17.00 säğattä kilep citäçäk. Kire yünäleştä laynerlar 11.35 säğattä kitä häm Kazanga 13.40 säğattä töşä. Bombardier CRJ 200 hava sudnosında yul vakıtı yakınça ike säğat täşkil itä.

Mondıy grafik buyınça oçışlar programması közge-kışkı navigatsiyä tämamlangançı 2021 yılnıñ mart ahırına qadär ğamäldä bulaçak, dip häbär itä Kazan aeroportı matbugat hezmäte.


3 days, 8 hours ago
0 visists
Source: shahrikazan.ru