Media: totkarlangan "Başkort" aktivistları sak astına alıngan

Röstäm Amanov, İlnur Kinisarov, Rail Abkadıyrov häm Marat Şäräfetdinov huliganlıkta häm koral saklauda şiklänelä.

Röstäm Amanov, İlnur Kinisarov, Rail Abkadıyrov häm Marat Şäräfetdinov Ufanıñ Ordconikidze mähkämäse kararı belän sak astına kuyılgan. Alarga karşı "koral kullanıp huliganlık kılu" häm "koralnı kanunsız satıp alu, tapşıru, satu, saklau, küçerü yäki yörtü" maddäläre nigezendä cinaya eşe açılgan. Monnan tış, ekspertizalar näticäsennän çıgıp, cinayät kodeksınıñ 282 maddäse (näfrät yäki doşmanlık uyatu, keşe abruyın kimsetü) nigezendä dä eş açılırga mömkin diyelä.

Şul uk vakıtta "Başkort" aktivistı Ruslan Gabbasov totkarlanuçılar – noyabr nizagında politsiyä ğamällärennän zıyan kürüçelär, alar politsiyäneñ kanunsız kılanışlarına şikayät itep mähkämägä birgän ide dip söylägän. Älege şikayätlär 13 ğıynvarda mähkämädä karalırga tiyeş bulgan.

2020 yıl noyabrendä Kırmıskalıda ızgış vakıtında 37 keşe totkarlangan ide.


1 week, 6 days ago
0 visists
Source: www.azatliq.org