AQŞ ükimeti Şıñjañnan keletin maqta jäne qızanaq önimderine tıyım saladı

AQŞ ükimeti Qıtaydıñ Şıñjañ aymağınan keletin maqta jäne qızanaq önimderine tıyım saladı. Bul Şıñjañdağı musılmandardıñ qudalanuına baylanıstı Qıtay biligine qısımın üdetudi közdegen AQŞ biliginiñ soñğı qadamdarınıñ biri.

13 qañtarda keden jäne şekaranı baqılau qızmeti (CBP) AQŞ-tıñ Qıtayğa qarsı eñ auqımdı kampaniyäsı ayasında eldiñ barlıq porttarında Şıñjañnan keletin önimder "buğattaladı" dep mälimdedi. Keden qızmeti bul önimderdi adam eñbegin qanau arqılı öndirgen deydi. Zertteu barısında atap aytqanda, moyınğa qarız ilu, qozğalıstı şekteu, qorqıtu, qoqan-loqı jasau, jalaqını keşiktiru, naşar eñbek jağdayında jumıs istetu siyäqtı adam quqığına qayşı äreketter anıqtalğan.

Tramp äkimşiligi buğan deyin de aymaqta adam quqığın öreskel buzıp, tabıs tabatın jekelegen kompaniyälardıñ önimderin buğattap, qudalau kampaniyäsına atsalısqan Qıtay kommunistik partiyäsı şeneunikterine sanktsiyä salğan. AQŞ memlekettik departamenti uyğır, qazaq jäne Şıñjañnıñ özge de bayırğı ult ökilderi bar 2 million adamnıñ Qıtayda lagerlerge jiberilgenin aytqan. Pekin "bul bağdarlama basqa aymaqtarğa jiberilgen uyğırlarğa jaña mümkindik sıylaydı, jumısşılarğa aqşa tölenedi" dep aytqan. Al quqıq qorğau uyımdarı jumısşılardıñ basqa aymaqqa mäjbürlep jiberilgenin, eñbek quqığı saqtalmaytının aytqan.


1 week ago
0 visists
Source: www.azattyq.org