İke avtobus bäreleşep, ber hatın-kız, altı yäşlek bala hälaq bula, unber keşe imgänä...

Här avtobusta unsigezär keşe bula.

Başkortstannıñ Salavat rayonında ike passacir avtobus bäreleşkän. İke keşe ülgän, unber keşe imgängän. Faciga säbäplären tikşerüçelär häm prokuratura açıklıy. Bu turıda «Başinform» häbär itte.

Bügen köndezge ikelär tiräsendä Kropaçevo-Mäsägut yulında, Malayaz avılı yanında Ford Transit avtobusları bäreleşä. Avtobuslarnıñ berse Olı Ustikin avılınnan Ufaga taba bara, ikençe avtobus şul uk yünäleştä karşıga kilä. Avariyä urınında ber hatın-kız, altı yäşlek bala hälaq bula, unber keşe imgänä, alarnı hastahanägä ozatkannar.

Başkortstan buyınça Ğadättän tış hällär ministrlıgı häbär itkänçä, bäreleşü vakıtında avtobuslarda barlıgı 36 keşe, här avtobusta unsigezär keşe bula.

Avariyä urınına Salavat rayonı prokurorı urınbasarı bargan. Şulay uk tikşerüçe-kriminalistlar da kilgän. Faciga säbäplären häm gayıplelärne hokuk saklauçılar açıklıy.

Çıganak: İntertat


5 days, 13 hours ago
2 visists
Source: shahrikazan.ru