Törkiyä Awrupa Berlege belän yaña säxifä açarmı?

Ärdoğan Awrupa Berlege komissiyäse başlığı Ursula fon der Leyen belän külämle söyläşü uzdırdı

Törkiyä ilbaşı Räcäp Tayyip Ärdoğan Awrupa Berlege komissiyäse başlığı Ursula fon der Leyen belän videoelemtä aşa söyläşte. Anda ikeyaqlı mönäsäbätlärne üsterü, regional’ waqıyğalar telgä alındı.

İlbaşı Ärdoğan söyläşüdä Awrupa Berlegeneñ Törkiyä kön üzägendä buluın häm ilneñ kiläçägen älege berlektä kürülären citkerde. Ul yaña yılda üzara mönäsäbätlärdä yaña säxifä açarğa teläwlären belderde. Ärdoğan fikerençä¸ Awrupa Berlegeneñ qayber äğ’zalarınıñ kaprizları häm yasalma problemalar kiterep çığaruları arqasında 2020nçe yıl citärlek däräcädä näticäle bulmadı. “Bu wäzğıyät’ne barı mönäsäbätlärneñ kiläçäge genä tügel, kiñ geografiya nisbätennän dä däwam itü mömkin bulmayaçaq,”-dide ul.

İlbaşı Ärdoğan Törkiyä-Awrupa Berlege mönäsäbätlärendä uñay üzgäreş öçen berençe etapta qullanılaçaq iñ ähämiyätle mexanizmnıñ 18nçe mart kileşüeneñ yañartıluı buluın äytte. Ul 2021nçe yılnıñ migratsiyä ölkäsendä yaña xezmättäşlek öçen uñaylı şartlar tudıruın belderde.

İlbaşı Tamğaxanä berlegeneñ yañartıluı, törek watandaşlarına viza irege birelü häm äğ’zalıq söyläşülärendä adım yasalu kiräklegen citkerde. Monnan tış, anıñ fikerençä, ber-bereñä ışanıçnı qabat tergezü, fiker alışu mexanizmnarın yañadan eşlätü, kürşedän birgäk söyläşü protsessındağı äğ’za bulğan Törkiyägä qarata tibärüçe, diskriminatsion ğamäl häm söyläwlärne tuqtatu möhim.

Törkiyä ilbaşı Ärdoğan Awrupa Berlege belän ikeyaqlı sammitlarnı häm yuğarı däräcädäge dialog utırışların qabat başlawda fayda kürelüen dä äytte.


1 week ago
3 visists
Source: www.trt.net.tr