Azat Miftahovnı irekkä cibärüne taläp itep 70 meñgä yartık imza cıyılgan

"Azat irekkä cibärelergä häm fän belän şögıllänergä mömkinlek alırga tiyeş", diyelä petitsiyädä

Petitsiyäne Mäskäü däülät universitetı studentları, aspirantları häm hezmätkärläreneñ initsiativ törkeme buldırgan ide. "Bez Azat Miftahovka törmädä urın tügel dip sanıybız: ul azat itelergä häm fän belän şögıllänergä mömkinlek alırga tiyeş", diyelä petitsiyädä.

2021 yılnıñ 11 ğıynvarında Mäskäü şähäreneñ Golovin rayonı mähkämäse 2017 yılda "Berdäm Rusiyä" ofisı täräzäsen vatuda gayıplänüçe öç keşegä: Yelena Gorban, Andrey Yıykin häm aspirant Azat Miftahovka karata hökem kararı çıgarırga tiyeş. Cinayät eşeneñ başka figurantları Azatnıñ täräzä vatu aktsiyäsendä katnaşmavın äytep kilä. Fevraldä Miftahovnıñ tikşerü izolyatorında utıruına ike yıl bula.


1 week, 1 day ago
4 visists
Source: www.azatliq.org